६४ MP कॅमेरा असलेला रेडमी नोट ८ प्रो लाँच

नवी दिल्ली: शाओमीने () आपल्या नवीन स्मार्टफोन () भारतीय बाजारात लाँच केला आहे. या स्मार्टफोनमध्ये चार रियर कॅमेरा सेटअप आहे, ज्याचा प्राथमिक सेन्सर ६४ मेगापिक्सेलचा आहे. शाओमीचा ६४ मेगापिक्सलचा कॅमेरा असलेला हा पहिला स्मार्टफोन आहे. याचा सेल्फी कॅमेरा २० मेगापिक्सेलचा आहे. या फोनमध्ये 4500 mAh ची शक्तिशाली बॅटरीदेखील आहे. लाँच कार्यक्रम दिल्ली येथे आयोजित करण्यात आला होता. रेडमी नोट 8 प्रो तीन प्रकारात लाँच ६ जीबी रॅम आणि ६४ जीबी इंटरनल मेमरी असणार्‍या व्हेरिएंटची किंमत १४,९९९ रुपये आहे. ६ जीबी रॅम व १२८ जीबी इंटरनल मेमरी असणार्‍या व्हेरिएंटची किंमत १५,९९९ रुपये आहे आणि ८ जीबी रॅम व १२८ जीबी इंटरनल मेमरी असणार्‍या व्हेरिएंटची किंमत १७,९९९ रुपये आहे. रेडमी नोट ८ प्रो ची वैशिष्ट्ये या स्मार्टफोनच्या कॅमेर्‍याबद्दल सांगायचे तर ६४ -मेगापिक्सलचा सॅमसंग ISOCELL Bright GW1 कॅमेरा देण्यात आला आहे. या व्यतिरिक्त अन्य तीन सेन्सर ८ एमपी + २ एमपी +२ एमपी चे आहेत. हा फोन गॅमा ग्रीन, हॅलो व्हाइट आणि शॅडो ब्लॅक कलरमध्ये लाँच झाला आहे. त्याचा डिस्प्ले गोरिल्ला ग्लाससह ६.५३ इंचाचा आहे. रेडमी ८ ए ची वैशिष्ट्ये कंपनीने नुकतेच ८ सीरिज रेडमी ८ ए आणि रेडमी ८ मध्ये दोन फोन बाजारात आणले. रेडमी ८ ए च्या २ जीबी + ३२ जीबी व्हेरिएंटची किंमत ६,४९९ रुपये आहे आणि ३ जीबी + ३२ जीबी व्हेरिएंटची किंमत ६,९९९ रुपये आहे. याची बॅटरी 5000 mAh ची आहे. या स्मार्टफोनचा प्राथमिक सेन्सर १२ मेगापिक्सेलचा असून सेल्फी कॅमेरा ८ मेगापिक्सेलचा आहे. या स्मार्टफोनची स्क्रीन ६.२२ इंच आहे. रेडमी ८ ची वैशिष्ट्ये रेडमी ८ चा व्हेरिएंट लाँच करण्यात आला होता, ज्याची किंमत ७,९९९ रुपये आहे. या स्मार्टफोनची रॅम ४ जीबी आहे तर इंटरनल मेमरी ६४ जीबी आहे. या स्मार्टफोनमध्ये १२ एमपी + २ एमपी ड्युअल रियर कॅमेरा सेटअप आहे, तर सेल्फी कॅमेरा ८ मेगापिक्सेलचा आहे. या फोनमध्ये 5000 mAh ची बॅटरी आहे आणि त्याची स्क्रीन ६.२२ इंच आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/35DoLZY