येतोय स्वस्त आयफोन; iPhone 11 चा असेल प्रोसेसर

नवी दिल्ली: आपल्याजवळही आयफोन असावा असं बहुतांश मोबाइलप्रेमींचं स्वप्न असतं, पण आयफोनची किंमत पाहिली की ते स्वप्न हवेत विरतं. पण आता एक स्वस्त आयफोन आणण्याची तयारी करत आहे. 9to5mac च्या एका रिपोर्टनुसार, अॅपलचा हा स्वस्त आयफोन असेल. हा आयफोन कंपनी २०२० सालच्या पहिल्या तिमाहीत लाँच करू शकते. कंपनी हा फोन त्या युजर्ससाठी आणणार आहे ज्यांना फेस आयडी, मल्टीपल कॅमेरा सेटअपसारखे प्रिमीयम अॅड-ऑन फिचर नव्हे तर कमी पैशांत दमदार परफॉर्मन्स हवा आहे. नॉच डिस्प्ले नसेल रिपोर्टमध्ये लिहिलंय की iPhone SE2 हार्डवेअर स्पेसिफिकेशन्समध्ये आयफोन ८ सारखा असणार आहे. यानंतर अशीही शक्यता वर्तवण्यात येत आहे की २०२० मध्ये येणाऱ्या iPhone SE2 मध्ये नॉच डिस्प्ले नसेल. रिपोर्टनुसाल कंपनी यात ४.७ इंचाचा एलसीडी डिस्प्ले देऊ शकेल. असा डिस्प्ले आयफोन SE मध्ये चार इंचाचा होता. SE 2 मध्ये टच आयडीवालं होम बटणही दिलं जाऊ शकतं. लेटेस्ट चिपसेटपेक्षा कमी असेल iPhone SE2 मधलं सर्वात चांगलं वैशिष्ट्य म्हणजे यात दिला जाणारं प्रोसेसर. रिपोर्टनुसार कंपनी यात लेटेस्ट मध्ये असणारा A13 बायॉनिक चिपसेट देऊ शकते. फोन ३ जीबी रॅम वेरियंटसह येऊ शकतो. असं म्हटलं जातंय की कंपनी iPhone SE2 सोबत iPhone 6 च्या यूजर्सनादेखील टारगेट केलं जाणार आहे. बंद होऊ शकेल आयफोन ८ ची विक्री अॅपलने २०२० मध्ये आयफोन SE2 चे तीन ते चार कोटी युनिट विकण्याचं उद्दिष्ट ठेवलं आहे. जुन्या iPhone SE बाबत सांगायचं तर हा फोन यूजर्सना आपल्या कमी किंमतीमुळे आवडत होता. iPhone SE2 मात्र जुन्या वेरियंटपेक्षा थोडा महाग असू शकतो. याचसोबत जाणकारांचं मत आहे की नवा iPhone SE2 लाँच होताच कंपनी आयफोन ८ ची विक्री बंद होऊ शकते. iPhone XR मोबाइल २७ हजारांनी स्वस्त झाला दरम्यान, जुना मोबाइल iPhone XR ची किंमत बाजारात कमी झालीय. iPhone XR हा फोन लाँच झाल्यानंतर पहिल्या सहा महिन्यात जगात सर्वाधिक विकला गेला होता. आता हा मोबाइल बाजारात २७ हजार रुपयांनी स्वस्त झाला आहे. iPhone XR हा 64GB चा मोबाइल बाजारात आता ४९, ९९० रुपयांना मिळतोय. हा मोबाइल लाँच झाला त्यावेळी याची किंमत ७६, ९०० रुपये इतकी होती. तर 128GBच्या iPhone XRचीही किंमत कमी झालीय. हा मोबाइल आता ५४, ९०० रुपयांना मिळतोय. लाँचींगवेळी या मोबाइलची किंमत ८१,९०० रुपये होती.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/337vw4d