मुंबई: स्मार्टफोनची निर्मिती करणारी मोटोरोला कंपनीनं नुकताच मोटोरोला वन मायक्रो हा स्मार्ट फोन लॉन्च केला होता. आता कंपनीकडून G सिरीजमधला 'मोटो G8 प्लस' हा स्मार्टफोन लॉन्च केला आहे. याफोनमध्ये ४८ मेगापिक्सलचा प्रायमरी कॅमेरा देण्यात आलाय. तसंच यात ट्रिपल रियक कॅमेरा सेटअपही देण्यात आलं आहे. काय आहे 'मोटो G8 प्लस'ची किंमत?'मोटो G8 प्लस' या फोनची किंमत १३,९९९ रुपये असून हा फोन ऑक्टोबरच्या अखेरीसपर्यंत फ्लिपकार्ट या शॉपिंग वेबसाइट खरेदीसाठी उपलब्ध असणार आहे. काय आहेत ऑफर्स?'मोटो G8 प्लस' या स्मार्टफोनवर रिलायन्स जिओकडून २२०० रुपयांचा इन्स्टंट कॅशबॅक देण्यात येत आहे. तसंच या फोनच्या खरेदीवर ३००० रुपयांचे मेक माय ट्रिपचे कुपन्स आणि झूम कारचे वाउचर्स मिळत आहेत. फीचर्स काय?मोटोच्या या फोनमध्ये ६.३ इंचाचा फुल HD+IPS LCD डिस्प्ले देण्यात आला आहे. फोनला वाटर ड्ऱॉप नॉच डिस्प्लेसोबत लॉन्च करण्यात आलं आहे. तसंच या फोनमध्ये ऑक्टो-कोर क्लालकॉम ६५५ प्रोसेसर देण्यात आला आहे. फोनमध्ये ४जीबी LPDDR4 रॅमसोबत ६४ जीबीचं स्टोरेज देण्यात आलं आहे. तसंच ५१२ जीबी पर्यंत या फोनची मेमरी वाढवता येणार आहे. फोनमध्ये ४०००mAhची बॅटरी देण्यात आली आहे. मोटोरोला वन व्हिजन:काही दिवसांपूर्वी कंपनीकडून 'मोटोरोला वन व्हिजन' हा फोन लॉन्च करण्यात आला होता. 'मोटोरोला वन व्हिजन' स्मार्टफोनमध्ये Exynos चिपसेट आहे. सॅमसंगचा Exynos चिपसेट असणारा मोटोरोलाचा हा पहिला फोन आहे. फोनमध्ये ड्युअल कॅमेरा सेटअप असून ४८ मेगापिक्सल कॅमेरा आणि दुसरा ५ मेगापिक्सलचा कॅमेरा आहे. सेल्फीसाठी २५ मेगापिक्सल कॅमेरा आहे. स्मार्टफोनमध्ये ग्लास बॅक पॅनल असून फिंगरप्रिंट स्कॅनर आहे. फोनमध्ये ६.३ इंचाचा एचडी डिस्प्ले आहे. स्मार्टफोनमध्ये पंच होल डिस्प्ले देण्यात आला आहे. फोनमध्ये ४ जीबी रॅम आणि १२८ जीबीचा इंटर्नल स्टोरेज देण्यात आला आहे. त्याला मेमरी कार्डच्या मदतीने ५१२ जीबीपर्यंत वाढवता येऊ शकते. फोनमध्ये लेटेस्ट अॅण्ड्राइड ९ पाई सॉफ्टवेअर देण्यात आलं आहे. फोनची बॅटरी क्षमता ३५०० एमएएच इतकी आहे. फोन फास्ट चार्जिंगला सपोर्ट करत असून १५ मिनिटांच्या चार्जिंगमध्ये सात तासांची बॅटरी चार्ज होत असल्याचा दावा आहे. फोनची किंमत जवळपास २३ हजार ५०० रुपये आहे.
from Latest Mobile Phones: Mobile News, Latest Mobile News in Marathi | Maharashtra Times https://ift.tt/2qJ3xdc
Comments
Post a Comment