विवोच्या 'या' तीन स्मार्टफोनच्या किंमतीत कपात

नवी दिल्लीः सध्या फेस्टिव्ह सीजनची भारतात धूम सुरू आहे. सणवार असल्याने मोबाइल कंपन्यांनी ग्राहकांना आकर्षित करण्यासाठी स्मार्टफोन्सवर ऑफर देऊ केली आहे. वेगवेगळ्या कंपन्यांची ऑफर सुरू असून कंपनीने सुद्धा आपल्या तीन फोनची किंमत कमी केली आहे. , या फोनची किंमत एक हजार रुपये कमी केली आहे. विवोच्या वाय १२ या फोनची किंमत आता १० हजार ९९० रुपये इतकी आहे. तर विवो वाय ९१ या फोनची किंमत ८ हजार ९९० रुपये इतकी किंमत झाली आहे. तसेच विवो ९१आय हा फोन आता केवळ ७ हजार ४९० रुपयांना खरेदी करता येऊ शकणार आहे. विवो वाय१२ या स्मार्टफोनमध्ये ६.३५ इंचाचा डिस्प्ले देण्यात आला आहे. त्याचे रिझॉल्यूशन ७२० X १५४४ इतके आहे. तसेच स्क्रीन-टू- बॉडी रेशीओ ८९ टक्के आहे. विवो वाय १२ स्मार्टफोन वॉटर ड्रॉप नॉच डिस्प्ले देण्यात आला आहे. या स्मार्टफोनला पाठीमागे ट्रिपल रियर कॅमेराचा सेटअप देण्यात आला आहे. या फोनमध्ये फिंगर प्रिंट सेन्सर ही देण्यात आला आहे. या स्मार्टफोनमधये बॅकसाईटला १३ मेगापिक्सलचा प्रायमरी कॅमेरा देण्यात आला आहे. ८ आणि २ मेगापिक्सलचा कॅमेरा स्मार्टफोनला बॅक साइटला देण्यात आला आहे. तसेच सेल्फीसाठी फोनमध्ये ८ मेगापिक्सलचा कॅमेरा देण्यात आला आहे. विवो वाय ९१ या स्मार्टफोनमध्ये ६.२२ इंचाचा Halo फुल व्ह्यू डिस्प्ले आहे. डिस्प्लेच्या टॉपवर ड्यू ड्रॉप नॉच देण्यात आला आहे. या फोनमध्ये फ्रंटला ८ मेगापिक्सलचा कॅमेरा आहे. तर रियर पाठीमागे ड्युअल कॅमेराचा सेटअप देण्यात आला आहे. फोनच्या मागे १३ मेगापिक्सलचा आणि २ मेगापिक्सलचा कॅमेरा देण्यात आला आहे. ड्युअल सीमच्या स्मार्टफोनमध्ये ट्रिपल कार्ड स्लॉट आहे. दोन स्लॉट सीमसाठी व एक स्लॉट मायक्रोएसडी कार्डसाठी आहे. या फोनमध्ये ४,०३० एमएएच क्षमतेची बॅटरी देण्यात आली आहे. विवो वाय ९१ आय या फोनमध्ये ६.२२ इंचाचा एचडी डिस्प्ले देण्यात आला आहे. वॉटर ड्रॉप नॉचच्या या फोनमध्ये क्वॉलकॉम स्नॅपड्रॅगन ४३९ ऑक्टा-कोर प्रोसेसर देण्यात आला आहे. २ जीबी रॅम सह दोन इंटरनल स्टोरेजचा पर्याय देण्यात आला आहे. फोनमध्ये एवन ड्युअल रियर कॅमेरा १३ मेगापिक्सल आणि २ मेगापिक्सल देण्यात आला आहे. सेल्फीसाठी ८ मेगापिक्सलचा फ्रंट कॅमेरा देण्यात आला आहे. या फोनचा फ्रंट कॅमेरा फेस अनलॉक सपोर्ट करणार आहे. फोनमध्ये पॉवर देण्यासाठी ४,०३० एमएएच क्षमतेची बॅटरी देण्यात आली आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2p4hfqd