३२ इंचाचा स्मार्ट टीव्ही अवघ्या ५ हजार रुपयांत

नवी दिल्लीः () कंपनीने भारतात एक लाँच केला असून हा आतापर्यंतचा सर्वात स्वस्त टीव्ही असल्याचा दावा कंपनीने केला आहे. या कंपनीने टुफ्फेन ग्लाससोबत स्मार्ट टीव्ही लाँच केला असून ३२ इंच असलेल्या या टीव्हीची किंमत फक्त ५ हजार ४९९ रुपये इतकी असल्याचं कंपनीचं म्हणनं आहे. हा टीव्ही अँड्रॉयडवर चालणार असल्याचंही कंपनीनं स्पष्ट केलं आहे. या टीव्हीला विकण्यासाठी कंपनीने वेगळा फंडा अवलंबला आहे. या कंपनीची वेबसाइट आहे. परंतु, याची लिंक ओपन केल्यानंतर हे उत्पादन रिडायरेक्ट अॅपवर जाते. हे उत्पादन खरेदी करण्यासाठी गिऱ्हाईकांना अॅप डाउनलोड करणे गरजेचे आहे. त्यासाठी ग्राहकांना आधार नंबर टाकणे आवश्यक आहे. आधार नंबर टाकला तरच ग्राहकांना हा टीव्ही खरेदी करता येऊ शकणार आहे. Samy या नावाच्या स्टार्टअप कंपनीचे म्हणने आहे की, टीव्ही स्वस्तात विकला जाणार असला तरी कंपनीला टीव्हीतून दाखवल्या जाणाऱ्या जाहिरातीतून पैसे मिळणार आहेत. कारण, टीव्ही सुरू केल्यानंतर ग्राहकांना जाहिराती दाखवल्या जाणार आहेत. परंतु, या जाहिराती ग्राहकांना नको असल्यास त्यांना त्या हटवण्याचा पर्याय सुद्धा उपलब्ध करून देण्यात येणार आहे. टीव्ही खरेदी करण्यासाठी अॅपवर आधार कार्डची नोंदणी करणे गरजेचे आहे. कारण, त्यानंतर तुम्हाला नोंदणी करताना इतर माहिती भरायची असते. आधार कार्डवरील माहिती व अॅपवर भरलेली माहिती योग्य आहे का याची तपासणी केल्यानंतर ग्राहकांना हा टीव्ही खरेदी करता येऊ शकणार आहे, अशी माहिती कंपनीच्या संचालकांनी दिली आहे. या टीव्हीला नुकतेच दिल्लीतील Constitution Club मध्ये लाँच करण्यात आले आहे. हा टीव्ही भारतात बनवण्यात आल्याचा कंपनीचा दावा आहे. या टीव्हीची किंमत केवळ ५ हजार ४९९ रुपये असली तरी ग्राहकांना जीएसटी आणि शिपिंग चार्ज वेगळा द्यावा लागणार आहे. हा टीव्ही मजबूत बनवण्यात आला आहे. त्यामुळे या टीव्हीचा ग्लास तुटणार नाही. यात पेन ड्राइव्ह लावल्यानंतर याचा फोटो फ्रेम म्हणून वापर करता येऊ शकतो, असेही कंपनीने म्हटले आहे. कंपनीने याआधीही स्वस्त टीव्ही बनवल्या आहेत. दोन वर्षापासून अन्य टीव्हीची विक्री करण्यात येत आहे. ज्या ग्राहकांना टीव्हीची विक्री करण्यात येते त्या ग्राहकांना विचारून त्यांचा फोटो सोशल मीडियावर टाकला जातो, त्यामुळे यात फसवणूक करण्यासारखे काहीही नाही, असा दावाही कंपनीने केला आहे.

from Science & Technology News: Science News Updates, Science Technology News in Marathi | Maharashtra Times https://ift.tt/2WaKTX9