अॅमेझॉनवर नवा सेल; स्मार्टफोनवर सूट

नवी दिल्ली: ई-कॉमर्स प्लॅटफॉर्म अॅमेझॉन वर Fab Phones Fest सेल सुरू झाला आहे. या सेलमध्ये वनप्लस 7 आणि वनप्लस 7 प्रो सह रेडमी, ऑनर आणि विवोच्या स्मार्टफोन्स वर देखील डिस्काउंट आणि बेस्ट डीलमध्ये उपलब्ध करण्यात आला आहे. हा सेल ९ ऑक्टोबरपर्यंत सुरू राहणार आहे. मोबाइलच्या अॅक्सेसरीजवरदेखील सवलत आहे. वनप्लसच्या लेटेस्ट स्मार्टफोन्सवर सूट अॅमेझॉनच्या फॅब फोन्स फेस्ट सेल मध्ये वनप्लस 7 चं 6जीबी रॅम +128जीबी स्टोरेज वेरियंट 3,000 च्या सवलतीत उपलब्ध आहे. सवलतीनंतर या फोनची किंमत ३२,९९९ रुपये झाली आहे. फोनच्या 8जीबी रॅम+256जीबी च्या वेरियंट वरही सेलमध्ये सवलत आहे. ९ ऑक्टोबरपर्यंत हा फोन ३४,९९९ रुपयांमध्ये खरेदी करता येणार आहे. एरव्ही या फोनची किंमत ३७,९९९ रुपये आहे. जर तुम्ही वनप्लस 7 खरेदी करण्याचा विचार करत आहात तर सेलमध्ये तुम्हाला खूपच फायदा होणार आहे. या फोनचं 6जीबी रॅम+128जीबी वेरियंट ४८,९९९ रुपयांऐवजी ४४,९९९ रुपयांमध्ये ऑर्डर केला जाऊ शकतो. शाओमीचे फोनही झाले स्वस्त शाओमीचे स्मार्टफोनही या सेलमध्ये रास्त दरात खरेदी करता येणार आहेत, कारण या सेलमध्ये या फोनवरदेखील खूप डिस्काउंट आहे. सेलमध्ये रेडी 7A चा 2जीबी रॅम+16जीबी स्टोरेज वेरियंटची किंमत ५,९९९ रुपयांऐवजी ४,९९९ रुपये झाली आहे. याच फोनचा ३२ जीबी स्टोरेज वेरियंट ६,१९९ रुपयांऐवजी या सेलमध्ये ५,७९९ रुपयांत खरेदी करता येणार आहे. हुवावे, विवोने देखील कमी केले भाव हुवावेचा सबब्रँड ऑनरचा पॉप्युलर हँडसेट Honor 20i सेलमध्ये ११,९९९ रुपयांना उपलब्ध आहे. याची किंमत लाँच झाला तेव्हा १४,९९९ रुपये होती. विवो वी 15 प्रो १९,९९० रुपयांचा आहे, पण या सेलमध्ये तो १५,९९० रुपयांना खरेदी करता येणार आहे. 'या' ग्राहकांना अतिरिक्त सवलत सवलतीशिवाय या सेलमध्ये अनेक अतिरिक्त डिस्काउंटदेखील ऑफर करण्यात आले आहेत. HDFC बँकेच्या डेबिट/क्रेडिट कार्डावर शॉपिंग करणाऱ्या ग्राहकांना सेलमध्ये केलेल्या शॉपिंगवर १० टक्के अतिरिक्त डिस्काउंट मिळणार आहे. तर बँक ऑफ बडोदा आणि यस बँकेच्या क्रेडिट कार्डाने पेमेंट केल्यास १० टक्के अतिरिक्त सवलतीचा लाभ मिळवता येणार आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/332pQIH