आता मोटोरोलाचाही फोल्डेबल फोन होतोय लाँच

नवी दिल्ली़: फोल्डेबल स्मार्टफोन सेगमेंटमध्ये आता मोटोरोला (Motorola) प्रवेश करणार आहे. कंपनी १३ नोव्हेंबरला कॅलिफोर्नियातील लॉस एंजेलिस मध्ये आपला पहिला फोल्डेबल स्मार्टफोन Razr लाँच करणार आहे. कंपनीने या कार्यक्रमासाठी मीडिया आमंत्रणे पाठविणे सुरू केले आहे. Cnet च्या एका अहवालानुसार, या मीडिया इन्वाइट्समध्ये फोनची जीआयएफ इमेजही पाठवण्यात आली आहे. यात फोन फोल्ड आणि अनफोल्ड होताना दिसतो. हा फोन कंपनी Razr 2019 या नावाने लाँच करू शकते. सॅमसंग,हुवेईपेक्षा वेगळे डिझाईन या वर्षाच्या सुरूवातीलाच, मोटोरोलाचे उपाध्यक्ष (ग्लोबल प्रोडक्ट्स) डॅन डेरी यांनी फोल्डेबल फोन आणण्याच्या कंपनीच्या योजनेकडे लक्ष वेधले होते. नुकतंच एका मुलाखतीत त्यांनी सांगितले की कंपनीने खूप पूर्वीच फोल्डेबल फोनवर काम करण्यास सुरवात केली होती. यासह, त्यांनी सांगितले की मोटोरोला सॅमसंग आणि हुआवेच्या स्टाइलपेक्षा वेगळा फोल्डेबर फोन लाँच करणार आहे. वर्षाच्या अखेरीस सुरू होऊ शकते विक्री काही महिन्यांपूर्वी एका अहवालात असे म्हटले गेले होते की, Razr 2019 डिसेंबर २०१९ किंवा जानेवारी २०२० मध्ये युरोपियन बाजारात उपलब्ध केला जाईल. याची किंमत 1,500 युरो (सुमारे १,१९,००० रुपये) असू शकते. फोनच्या अनेक डिझाइनही लीक झाल्या आहेत. या लीक्सनुसार, नवीन मोटो Razr डिझाइनच्या बाबतीत जुन्या मोटो Razr पासून प्रेरित असल्याचे मानले जाते. दोन डिस्प्ले स्पेसिफिकेशन्सच्या बाबतीत सांगायचे तर मोटो Razr 2019 हा 6 जीबी रॅम आणि 128 जीबी इंटरनल स्टोरेजसह येईल. फोनमध्ये स्नॅपड्रॅगन ७१० प्रोसेसर असण्याची शक्यता आहे. यात 876 x 2142 पिक्सेल रिझोल्युशनसह 6.2 इंचाचा प्रायमरी डिस्प्ले आहे. सेकंडरी डिस्प्ले 600 x 800 पिक्सेल रिझोल्युशनचा असेल.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/33GerhV