व्हॉट्सअॅपमध्ये येणार 'हे' भन्नाट फीचर

मुंबई: व्हॉट्सअॅप आपल्या युजर्ससाठी वेळोवेळी अपडेट्स देत असते. आता नवीन फीचर लाँच करणार आहे. हे फीचर खास असून तुमचा व्हॉट्सअॅप मेसेज पाच सेकंदानंतर गायब होणार आहे. असे फीचर सध्या स्नॅपचॅटमध्ये आहे. मेसेज पाठवणारा युजर्स मेसेज किती वेळेनंतर डिलीट होईल हेदेखील ठरवू शकणार आहे. कसे काम करणार हे फीचर? युजर्सने पाठवलेला मेसेज डिलीट करण्यासाठी ५ सेंकद ते एक तासाचा वेळ निर्धारीत केला जाऊ शकतो. सध्या या फीचरची चाचणी ग्रुप मेसेजसाठी सुरू आहे. या फीचरच्या पर्यायाला निवडल्यानंतर युजर्सने पाठवलेल्या सर्वच मेसेजवर हे फीचर लागू होईल. मेसेज डिसअॅपिअरिंग फीचरसाठी एकच मेसेज निवडला जाऊ शकत नाही. गायब होणार मेसेज WABetaInfo च्या वृत्तानुसार, एकदा मेसेज रिमुव्ह केल्यानंतर पूर्णपणे चॅटमधून डिलीट होईल. ग्रुप चॅटमध्ये 'त्या' मेसेजची कोणतीही पाऊलखूण राहणार नाही. सध्या मेसेज डिलीट केल्यानंतर ‘This message was deleted’ हे नोटिफिकेशन ग्रुपमधील इतरांनाही दिसते. या नव्या फीचरमध्ये हे नोटिफिकेशन इतरांना दिसणार नाही. स्क्रिनशॉट घेतल्यानंतर नोटिफिकेशन मिळणार? हे फीचर स्नॅपचॅटसारखे आहे. मात्र मेसेज डिलीट होण्याआधी ग्रुपमधील एखाद्याने स्क्रीनशॉट घेतल्यास नोटिफिकेशन मिळणार की नाही याबाबत काही माहिती समोर आली नाही. वाचा: फीचरसाठी प्रतिक्षा करावी लागणार व्हॉट्सअॅपचे हे नवे फीचर प्रायव्ही सिक्यॉर करण्यासाठी एक चांगले फीचर ठरू शकते. मात्र, युजर्सना मेसेज रिमुव्ह करण्यासाठी फक्त ५ सेकंद किंवा एक तास असे दोनच पर्याय उपलब्ध आहेत. व्हॉट्सअॅपकडून सध्या नव्या फीचरवर प्राथमिक स्तरावर काम सुरू आहे. त्यामुळे हे नवे फीचर युजर्सपर्यंत येण्यासाठी काही महिन्यांचा कालावधी लागणार असल्याची शक्यता आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2mEqXP8