अॅपलच्या 'या' दुर्मिळ कॉम्प्युटरची किंमत १२ कोटी

नवी दिल्ली: अॅपलचे संस्थापक स्टीव्ह जॉब्स यांनी तयार केलेला दुर्मिळ कॉम्प्युटर अॅपल १ विक्रीसाठी उपलब्ध आहे. 'नाइन टू फाइव्ह मॅक'च्या एका रिपोर्टनुसार, अॅपल १ कॉम्प्युटर ई-कॉमर्स कंपनी eBay वर विक्रीसाठी उपलब्ध आहे. त्याची किंमत १.७५ मिलियन डॉलर (अंदाजे १२.३ कोटी रुपये) आहे. हा कॉम्प्युटर वूडन केसिंगमध्ये आहे. जगभरात असे एकूण सहा कॉम्प्युटर आहेत. अॅपल १ कॉम्प्युटर स्टीव्ह जॉब्स आणि सह-संस्थापक स्टीव्ह व्होजनिएक यांनी तयार केला आहे. रिपोर्टमध्ये या कॉम्प्युटरच्या मालकासंबंधी माहिती दिली आहे. त्यांच्याकडे १९७८पासून हा कॉम्प्युटर आहे. तो अजूनही चांगल्या स्थितीत आहे. कोट्यवधी रुपये किंमत असलेला हा पहिला कॉम्प्युटर नाही. याआधी २०१६ साली अॅपल १ चे प्री-प्रॉडक्शन मॉडल विक्रीसाठी उपलब्ध होते. तो ८१५,००० डॉलरला विकला गेला होता. अॅपल १ मध्ये एक मॉनिटर आणि एक कस्टमाइज्ड वुडेन केस आहे. यात ओरिजिनल ओनल मॅन्युअलची डिजिटल कॉपी, बेसिक मॅन्युअल, स्कीमॅटिक्स, कसेट इंटरफेस आणि गाइड्ससह बेसिक गेम्स, लँग्वेज, लो अँड हाय मेमरी टेस्ट, ३०व्या वर्धापनदिनाच्या व्हिडिओसहीत त्यात आणखी फीचर्स आहेत. 'हा कॉम्प्युटर दुर्मिळ आहे. या प्रकारचे केवळ सहा कॉम्प्युटर उपलब्ध आहेत. ऑरिडनल बाइट शॉप केओए वुड केससह तो उपलब्ध आहे. आता हे कॉम्प्युटर म्युझिअममध्ये पाहायला मिळतात. इतर सर्व अॅपल १ कॉम्प्युटरपेक्षा हा उत्तम स्थितीत आहे, 'असं या कॉम्प्युटरच्या मालकानं सांगितलं. १९७७मध्ये प्रॉडक्शन बंद झालं होतं... अॅपलचा हा कॉम्प्युटर ११ एप्रिल १९७६ साली लाँच झाला होता. अॅपल १ ची मेमरी ४ केबी होत आणि कार्डच्या मदतीनं ती ८ केबी किंवा ४८ केबीपर्यंत वाढवता येते. त्यात एमओएस ६५०१ सीपीयूचा वापर करण्यात आला होता. तसंच १ एमएसझेड क्लॉक्ड होता. १० जून १९७७ रोजी अॅपल २च्या निर्मितीनंतर ३० सप्टेंबर १९७७ रोजी कंपनीनं अॅपल १ची निर्मिती बंद केली होती. हा कॉम्प्युटर ईबेवर विक्रीसाठी उपलब्ध असून, तो किती रुपयांना विकला जातो हे पाहणं औत्सुक्याचं ठरणार आहे.

from Computer News in Marathi: Latest Computer Technology Updates in Marathi | Maharashtra Times https://ift.tt/32SaV3U