आपण बोलणार ते सर्व गुगल पटापट लिहिणार!

नवी दिल्लीः Google ने १५ ऑक्टोबरला Pixel 4 मालिकेतील एक स्मार्टफोट लाँच केला. या स्मार्टफोनसोबतच गुगलने एक खास व्हॉइस रेकॉर्डिंग अॅपही लाँच केलं. हे अॅप कंपनीने पिक्सल ४ स्मार्टफोनवर उपलब्ध केले आहे. यामध्ये असे अनेक फिचर आहेत जे दुसऱ्या व्हॉइस रेकॉर्डींग अॅपपेक्षाही वेगळे आहेत. गुगलच्या या नव्या अॅपचे नाव Recorder असे आहे. हे अॅप आपला आवाज ऐकून सर्व काही पटापट लिहून काढतं. रियल टाइममध्ये काम करेल आर्टिफिशल इंटेलिजन्सच्या मदतीने हे अॅप आवाज रेकॉर्डकरून ट्रान्सक्राइब (आवाज लिखित स्वरुपात बदलणार ) करेल. हे रेकॉर्डर स्पीच प्रोसेसिंग आणि रिकग्निशनवर काम करतं. यामुळे हे अॅप रियल टाइम म्हणजे त्याच वेळी पटापट लिहून काढतं. यामुळे फोनमध्ये व्हॉइस रेकॉर्डींगची युजर्सची पद्धतच बदलेल, असं कंपनीने म्हटलंय. इंटरनेटशिवाय काम करणार युजर्सना व्हाइस रोकॉर्डिंग्स सहजपणे टेक्स्टमध्ये बदलवता येईल. याची आणखी एक विशेषता म्हणजे यावर काम करण्यासाठी इंटरनेट कनेक्शनची गरज पडणार नाही. हे अॅप थेट डिव्हाइसवर काम करतं. तसंच युजर्स हे एअरप्लेन मोडवरही वापरू शकतात. मिटींग, लेक्चर आणि मुलाखतीवेळी कुठलाही ऑडिओ सेव करण्यासाठी युजर्सना या अॅपचा उपयोग होईल. सध्या एकाच भाषेला सपोर्ट करतंय एडव्हान्स फिचर असलेलं हे गुगलचे अॅप आहे. खास आवाज, शब्द आणि म्हणीही ओळखू शकतं. सध्या हे रेकॉर्डर अॅप फक्त इंग्रजी भाषेतच काम करतंय. लवकरच हे अॅप इतर भाषांनाही सपोर्ट करेल.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2BdNyWs