दीड लाखांचा एक फोन; अवघ्या ३० मिनिटात सॅमसंगच्या १६०० फोनची विक्री!

नवी दिल्ली: लक्झरी स्मार्टफोन कॅटेगरीत सॅमसंगने एक नवा विक्रम बनवला आहे. केवळ अर्ध्या तासात सॅमसंग गॅलक्सी फोल्डच्या सर्व फोनची विक्री झाली! एकूण १६०० फोन विकले गेले. एकाची किंमत आहे १,६४,९९९ रुपये! विशेष म्हणजे प्री-बुकिंगसाठी ग्राहकांना सर्व दीड लाख रुपये आगाऊ भरायचे होते. हे फोन २० ऑक्टोबरपर्यंत ग्राहकांना मिळतील. गॅलेक्सी फोल्डवर डील्स सॅमसंग गॅलक्सी फोल्ड खरेदी करणाऱ्या सर्व ग्राहकांना एका डेडिकेडेट हेल्पलाइन क्रमांकाचा (1800 20 7267864) अॅक्सेस मिळणार आहे. या हेल्पलाइनवर युजर्सना एक्सपर्टचा सल्ला मिळणार आहे. याव्यतिरिक्त कंपनी एक वर्षाचा अपघाती विमा कवरही वन टाइम प्रोटेक्शनसह ग्राहकांना देत आहे. हे संरक्षण ग्राहकांना गॅलेक्सी फोल्डच्या फ्लेक्स डिस्प्लेवर मिळणार आहे. यात डिव्हाइसचा डिस्प्ले अॅक्सिडेंटल डॅमेज झाल्यावर ग्राहक १०,५०० रुपयांच्या सवलतीच्या दरात रिप्लेस करू शकतील. फोनचा फ्रंट डिस्प्ले ४.६ इंचाचा आहे. यात 840x1960 पिक्सल रिझोल्यूशन आणि सुपर AMOLED डिस्प्ले आहे. त्याचा आस्पेक्ट रेशियो २१:९ आहे. फोनमध्ये असलेल्या दुसऱ्या डिस्प्लेबद्दल बोलायचं तर तो डिस्प्ले ७.३ इंचाचा आहे. हा डिस्प्ले इनफिनिटी फ्लेक्स डायनॅमिक AMOLED पॅनल वाला आहे. ४.२:३ आस्पेक्ट येणारं डिस्प्ले पॅनलचं रिझोल्यूशन QXGA म्हणजेच 1526x2152 पिक्सल आहे. फोन मध्ये ट्रिपल रियर कॅमरा सेटअप दिला आहे. यात १६ मेगापिक्सलचा प्रायमरी सेंसर आणि १२ मेगापिक्सलचा सेकंडरी सेंसर आहे. फोनचा तीसरा कॅमरा १२ मेगापिक्सलचा आहे जो टर्शिअरी सेंसरसोबत येतो. फोनच्या फ्रंटला १० मेगापिक्सल + ८ मेगापिक्सचा ड्युअल कॅमरा सेटअप आहे. इतकेच नव्हे तर फोनच्या कव्हरवरदेखील १० मेगापिक्सलचा एक कॅमेरा सेंसर आहे. १२ जीबी रॅम आणि ५१२ जीबीच्या इंटरनल स्टोरेजसह येणारा हा फोन माइक्रो एसडी कार्ड सपोर्ट करत नाही. प्रोसेसरबद्दल सांगायचं तर फोनमध्ये ऑक्टा-कोर एसओसी प्रोसेसर दिलं आहे. ऑपरेटिंग सिस्टम बद्दल सांगायचं तर हा फोन अँड्रॉइड ९ वर आधारित सॅमसंगच्या One UI वर काम करतो. फोनमध्ये 4,380mAh ची बॅटरी आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2InXyR5