बंदी असलेल्या पॉर्न साइट्सची भारतात घुसखोरी

नवी दिल्ली: पॉर्न साइट्सवर लावण्यात आलेली बंदी अपयशी ठरत असल्याचे चित्र आहे. बंदी घालण्यात आलेल्या या छुप्या पद्धतीने भारतात घुसखोरी करत असल्याचे समोर आले आहे. त्यामुळे मोबाइल, कॉम्प्युटरवर पॉर्न साइट्स पाहता येत आहेत. भारताने २०१५ मध्ये ८५७ पॉर्न वेबसाइट्सवर बंदी घातली होती. दोन वेबसाइट्सची एंट्री रेडट्युब आणि पॉर्नहब या दोन मोठ्या पॉर्नसाइटस आहेत. या दोन्ही वेबसाइटवर बंदी घालण्यात आली होती. त्यानंतर आता या दोन्ही साइट्स भारतात दिसत आहेत. धक्कादायक म्हणजे या साइट्स सहज पाहता येत असून कोणत्याही वेगळ्या पद्धतीने साइटवर जाण्याची आवश्यकता नाही. आतापर्यंत बंदी असलेल्या पॉर्न साइट्स पाहण्यासाठी काही नेटिझन्सकडून वेगवेगळे मार्ग अवलंबण्यात येत होते. आता मात्र, सहजपणे पॉर्न साइट्स सुरू होत असल्यामुळे सायबर तज्ञांनी चिंता व्यक्त केली आहे. डोमेनचा हा सारा खेळ .org हे डोमेन बहुतांशी वेळा ना-नफा तत्वावर चालणाऱ्या संस्था, संघटनांकडून वापरण्यात येते. तर, .net या डोमेनचा वापर एक्सटेंशन नेटवर्कसाठी करण्यात येतो. .net हा डोमेन इंटरनेट, ईमेल आणि नेटवर्किंग सर्व्हिस प्रोव्हाइडर्सकडून वापरण्यात येतो. त्यामुळे सुरूवातीला आणण्यासाठी .com या डोमेनचा वापर करणाऱ्या साइट्सवर बंदी घालण्यात आली होती. त्यामुळे .com आणि .net या दोन्ही डोमेनचा वापर करून पॉर्न साइट्स बंदीपासून आपला बचाव करत आहेत. पॉर्न साइट्सच्या या चलाखीमुळे भारतात असलेली बंदी निष्पभ्र ठरली असून पॉर्न साइट्स सुरू आहेत. सहज अॅक्सेस करता येतात या पॉर्न वेबसाइट्स अनेक स्क्रिनवर अॅक्सेस करता येऊ शकतात. ब्लॉक करण्यात आलेली वेबसाइट्स पाहण्यासाठी प्रायव्हेट नेटवर्क, अन्य ब्राउजर्स, प्रॉक्सी वगैरे पर्याय अवलंबण्याची आवश्यकता नाही. मागील वर्षी डिसेंबरमध्ये टेलिकम्युनिकेशन विभागाच्या आदेशानंतर जिओ, व्होडाफोन आणि एअरटेल सारख्या मुख्य टेलिकॉम कंपन्यांनी पॉर्न आणि चाइल्ड पॉर्न कंटेंट असणाऱ्या वेबसाइट्सवर बंदी आणण्यात आली होती. मात्र ही बंदी फारशी उपयोगी ठरली नाही. तज्ञांकडून चिंता व्यक्त भारतात सायबर सुरक्षेसाठी कठोर कायद्याची आवश्यकता असल्याचे मत सायबर कायदा तज्ञ पवन दुग्गल यांनी सांगितले. नुकतीच दिल्लीत सायबर तज्ञांची बैठक पार पाडली. या बैठकीत चाइल्ड पॉर्न, सेक्सटिंग, सेक्स ट्राफिकींग, सायबर ट्रोलिंग आणि महिलांवर होणारे हिंसाचार आदी मुद्यांवर चर्चा करण्यात आली. सायबर गुन्ह्यांबाबतही या बैठकीत चिंता व्यक्त करण्यात आली.

from Computer News in Marathi: Latest Computer Technology Updates in Marathi | Maharashtra Times https://ift.tt/2oYJC9n