नदीत दीड वर्षं पडूनही सुरू होता फोन आयफोन!

मुंबई: पाण्यात पडल्यानंतर स्मार्टफोन्स एकतर पूर्ण खराब होतात किंवा जरी सुरू झाले तरी पहिल्यासारखं काम करत नाहीत. पण आयफोनसोबत असं होत नाही. अलीकडेच यु ट्युबवर यासंदर्भातला एक व्हिडिओ आल्याने हा प्रकार समजला. यु ट्यूबवर मायकल बेनेटने या आठवड्याच्या सुरुवातीला आपल्या चॅनेलवर एक व्हिडिओ पोस्ट केला. या व्हिडिओत त्याने एक दाखवला जो त्याला दक्षिण कॅरोलिनातील एका नदीत सापडला. थोडा वेळ चार्ज करताच झाला ऑन हा आयफोन एक वॉटरप्रूफ केसच्या आत होता. असं म्हटलं जातंय की हा आयफोन १५ महिन्यांपासून या नदीत पडला होता. बेनेटने हा आयफोन काढला आणि घरी घेऊन जाऊन चार्जिंगला लावला. काही मिनिटांतच चार्जिंग केल्यावर हा फोन सुरू झाला. आयफोनच्या मालकाचा पत्ता लागला एका वृत्त वाहिनीला दिलेल्या एक मुलाखतीत बेनेटने सांगितलं की त्याला आयफोनच्या मालकाला शोधण्यासाठी खूप मजल दरमजल करावी लागली. पासवर्ड प्रोटेक्ट असल्याने बेनेटला हा आयफोन अनलॉक करता येत नव्हता. फोन अनलॉक न झाल्याने त्याच्या मालकाचा पत्ता लावणं सोपं नव्हतं. मात्र, बेनेटने या आयफोनला त्याच्या खऱ्या मालकापर्यंत पोहोचवण्याचा जणू विडा उचलला होता. त्याने फोनमधील सिम कार्ड काढून ते दुसऱ्या फोनमध्ये टाकलं. जेणेकरून आयफोनच्या मालकासंबंधी काही माहिती मिळू शकेल. कौटुंबिक सहलीच्या वेळी पडला होता नदीत बेनेटची ट्रिक कामी आली आणि आयफोनच्या मालकाचा पत्ता लागला. हा आयफोन एरिका बेनेट नावाच्या एका महिलेचा होता. १९ जून २०१८ रोजी एका कौटुंबिक सहलीच्या वेळी हा फोन पाण्यात पडला होता. आयफोनची सर्वात आश्चर्यकारक बाब म्हणजे १५ महिने पाण्यात राहूनही तो व्यवस्थित काम करत होता. १५ महिन्यानंतर आयफोन पु्न्हा सापडल्यानंतर एरिका खूप खूश होती.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2oTH4t0