नवी दिल्ली 'अॅपल' कंपनीने एका कार्यक्रमात तीन नवीन iPhone लाँच केले. कंपनीने iPhone 11, iPhone 11 Pro, iPhone 11 Pro Max हे फोन लाँच केले. गेल्या वर्षी कंपनीने लाँच केला होता. iPhone 11 हे त्याचे नवे स्वरूप आहे. तर iPhone Pro आणि iPhone Pro Max हे iPhone XS, iPhone XS Max च्या फोनचे नवीन स्वरूप आहे. नवीन फोन लाँच होताच कंपनीच्या जुन्या मोबाइलच्या किंमती बदलल्या आहेत. iPhone XR मोबाइल २७ हजारांनी स्वस्त झाला जुना मोबाइल iPhone XR ची किंमत बाजारात कमी झालीय. iPhone XR हा फोन लाँच झाल्यानंतर पहिल्या सहा महिन्यात जगात सर्वाधिक विकला गेला होता. आता हा मोबाइल बाजारात २७ हजार रुपयांनी स्वस्त झाला आहे. iPhone XR हा 64GB चा मोबाइल बाजारात आता ४९, ९९० रुपयांना मिळतोय. हा मोबाइल लाँच झाला त्यावेळी याची किंमत ७६, ९०० रुपये इतकी होती. तर 128GBच्या iPhone XRचीही किंमत कमी झालीय. हा मोबाइल आता ५४, ९०० रुपयांना मिळतोय. लाँचींगवेळी या मोबाइलची किंमत ८१,९०० रुपये होती. पण 'अॅपल'ने 256GBअसलेल्या आयफोनच्या किंमतीबाबत वेबसाइटवर कुठलाही उल्लेख केलेला नाही. दरम्यान, फ्लिपकार्ट , पेटीएम आणि अॅमेझॉनवर iPhone XRच्या नव्या किंमती अपडेट झालेल्या नाहीत. सध्या iPhone XRचा 64GBचा मोबाइल ५९,९०० रुपयांना मिळतोय. तर 128GBचा iPhone XR हा मोबाइल६४,९९९ रुपयांना मिळतोय. आणि iPhone XRचा 256GBअसलेला मोबाइल ८२,००० रुपयांना विकला जातोय. या मोबाइलची लाँचींगवेळी किंमत ९१,९०० रुपये होती.
from Latest Mobile Phones: Mobile News, Latest Mobile News in Marathi | Maharashtra Times https://ift.tt/2UOes07
Comments
Post a Comment