नवी दिल्ली: डायरेक्ट टू होम (डीटीएच) ऑपरेटर्स ग्राहकांना आकर्षित करण्यासाठी जबरदस्त ऑफर देत आहेत. एअरटेल डिजिटल टीव्हीनंही ग्राहकांसाठी अनेक ऑफर देऊ केल्या आहेत. नवीन सेट टॉप बॉक्स (एसटीबी) अपग्रेड केल्यास सवलतही दिली आहे. आता एअरटेल डिजिटल टीव्हीनं विशेष ऑफर दिली आहे. 'टेलिकॉम टॉक'च्या रिपोर्टनुसार, ग्राहकांना सहा महिन्यांपर्यंत मोफत एअरटेल डिजिटल टीव्हीची सेवा मिळणार आहे. एलजीचा स्मार्ट टीव्ही खरेदी करणाऱ्यांसाठी ही ऑफर आहे. एअरटेल डिजिटल टीव्हीनं ही एक्स्क्लुझिव्ह ऑफर फक्त एलजी टीव्ही खरेदी करणाऱ्यांना दिली आहे. या ऑफरनुसार ग्राहकांना अनेक फायदे मिळणार आहेत. व्हॅल्यू लाइट (साउथ) एचडी पॅकसह सहा महिन्यांचा 'दबंग' स्पोर्ट्स पॅकचा समावेश आहे. हे पॅकेज अडिच हजार रुपयांचे आहे. ही ऑफर न घेता एअरटेल डिजिटल टीव्ही सबस्क्रीप्शनसाठी चॅनल पॅकचा हाच कॉम्बिनेशन घेत असतील तर, त्यांना ३, ४९९ रुपये खर्च करावे लागतात. एलजी टीव्ही खरेदी करणाऱ्या ग्राहकांनी ही ऑफर घेतली तर त्यांना १४९९ रुपयांची सूट मिळणार आहे. तसंच एअरटेल डिजिटल टीव्ही सबस्क्राइबर्सना प्रत्येक अॅक्टिव्हेशनसह अॅक्सेसरीजही मिळतील. त्यात बॉक्ससह ओडीयू, १० मी वायर, अॅक्टिव्हेशन कॉस्ट, रिमोट आणि अॅडॉप्टर आहे. ही ऑफर २०१७ ते २०१९ दरम्यानच्या एलजी टीव्हीच्या मॉडलवर आहे. एअरटेल डिजिटल टीव्हीच्या वेबसाइटवर ही ऑफर स्वीकारण्याबाबत सविस्तर माहिती दिली आहे. सर्वप्रथम एअरटेलच्या डीटीएच क्रमांक ८१३०४८१३०६ वर कॉल करावा लागेल. त्यानंतर तेथील अधिकारी तुम्हाला एलजी टीव्हीचा सिरियल क्रमांक विचारून कन्फर्म करीन. व्हेरिफिकेशननंतर तुम्ही सवलतीस पात्र असाल. ऑफर यशस्वीरित्या साइनअप केल्यानंतर ग्राहकांना केवायसी द्यावे लागेल. यानंतर त्यांचे अधिकारी तुमच्या घरी येऊन एअरटेल डिजिटल टीव्ही इक्विपमेंट इन्स्टॉल करतील आणि पेमेंट घेतील. ही ऑफर ३० ऑक्टोबरपर्यंत आहे.
from Latest Mobile Phones: Mobile News, Latest Mobile News in Marathi | Maharashtra Times https://ift.tt/308woIK
Comments
Post a Comment