शाओमी नंबर १; 'रेडमी नोट ७ प्रो'ची विक्री सर्वाधिक

नवी दिल्ली: रेडमी नोट ७ प्रो ( Redmi Note 7 Pro) हा स्मार्टफोन भारतात सर्वात विकला गेला आहे. इतकंच नाही तर रेडमी स्मार्टफोनमुळं शाओमी भारतातील अव्वल कंपनी ठरली आहे. काउंटरपॉइंटच्या एका अहवालानुसार, 'रेडमी नोट ७ प्रो'चा २०१९च्या दुसऱ्या तिमाहीत मार्केट शेअर १२.१ टक्के असून, तो अन्य स्मार्टफोनपेक्षा खूपच जास्त आहे. याच यादीत दुसऱ्या क्रमांकावर शाओमीचा रेडमी ६ ए हा स्मार्टफोन आहे. रिपोर्टनुसार, भारतीय मोबाइल ग्राहकांची १५ ते २० हजार रुपयांदरम्यान किंमती असलेल्या स्मार्टफोनना खूपच पसंती आहे. काउंटरपॉइंटनुसार, २०१९मध्ये दुसऱ्या तिमाहीत भारतात स्मार्टफोनच्या मिड-रेंज सेगमेंटमध्ये २६ टक्क्यांची वाढ नोंदवली गेली आहे. रिअलमीची विक्रीही वाढली रिअलमी ही कंपनी परवडणाऱ्या स्मार्टफोनची निर्मिती करते. स्मार्टफोन विक्रीच्या बाबतीत ही कंपनी भारतात दुसऱ्या क्रमांकावर आहे. शाओमीनंतर रिअलमीचे दोन स्मार्टफोन टॉप ५मध्ये अनुक्रमे तिसऱ्या आणि चौथ्या क्रमांकावर आहेत. फ्लिपकार्ट अव्वल ई-कॉमर्स कंपनी ऑनलाइन स्मार्टफोन खरेदी करण्यास ग्राहक अधिक पसंती देतात. आकर्षक ऑफर मिळत असल्यानं ग्राहकांचा कल ऑनलाइन खरेदीकडे असतो. स्मार्टफोनची ऑनलाइन विक्री पाहता ई-कॉमर्स कंपन्यांमध्येही जोरदार स्पर्धा आहे. या वर्षी २०१९च्या दुसऱ्या तिमाहीत फ्लिपकार्ट ५८ टक्के शेअरसह अव्वल ठरली आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/305eANL