सर्वांचा खास मित्र 'गुगल'चा आज २१ वाढदिवस

मुंबई: लहानांपासून वृद्धांपर्यंत... विद्यार्थ्यांपासून गृहिणींपर्यंत सर्वांचा हक्काचा मित्र म्हणजे 'गुगल'. याच गुगलचा आज २१ वा वाढदिवस. जगातल्या प्रसिद्ध व्यक्तींचे वाढदिवस विशेष डुडल साकारून सेलिब्रेट करणाऱ्या गुगलनं स्वत:च्या वाढदिवसाचं देखील खास डुडल साकारलं आहे. या खास डुडलमध्ये एका संगणकाच्या डेस्कस्टॉपवर २७ सप्टेंबर १९९८ ही तारीख दिसतेय. तसंच गुगलचा जुना लोगोही या संगणकाच्या स्क्रिनवर पाहायला मिळतोय. खरं तर गुगलच्या स्थापना दिवसावरुन काही वाद आहेत. पण २००६ मध्ये गुगलनं २७ सप्टेंबरला वाढदिवस साजरा होता त्यानंतर याच दिवसापासून डुडलच्या माध्यमातून देखील वाढदिवस साजरा करण्यात येतो. १९९८मध्ये गूगलनं पहिला वाढदिवस साजरा केला होता. गुगल हेच नाव का?कंपनीचे नाव सुरुवातीला 'गुगल' असे नव्हते. ब्रिन आणि पेज यांना सुरुवातीला कंपनीचे नाव 'बॅकरब' असे ठेवायचे होते. मात्र, या जोडगोळीनं तो विचार बदलून 'गुगल' असं नाव ठेवण्याचा निर्णय घेतला. त्यामागं गणितीय उद्देश होता. गुगलची स्थापना कधी झाली?स्टॅनफोर्ड विद्यापीठातील दोन विद्यार्थ्यांनी १९९८ मध्ये एक नवे सर्च इंजिन सुरू केलं. या माध्यमातून जगभरातील माहिती सर्वांना उपलब्ध होईल आणि तीही अगदी मोफत...आणि आता वीस वर्षांनंतर 'गुगल' १५० पेक्षा अधिक भाषांमध्ये आणि १९० देशांमध्ये उपलब्ध आहे.स्टॅनफोर्ड विद्यापीठात सर्गी ब्रिन आणि लॅरी पेज यांची भेट झाली. आणि त्यातूनच भविष्यात 'गुगल चं भव्य स्वरूप होऊ शकतं, हे त्यांना जाणवलं आणि भागीदारीचा निर्णय घेण्यात आला. १९९६ मध्ये दोघांनी त्यावर आणखी काम केलं आणि जगभरातील माहिती एकत्र करून लोकांपर्यंत मोफत पोचवण्याची पूर्ण यंत्रणा तयार केली. १९९७मध्ये त्यांनी 'गुगल' या 'डोमेन'चा नोंदणी केली आणि च्या प्रत्यक्ष कामाला सुरुवात झाली. गुगल हे सर्च इंजिन नऊपेक्षा अधिक भारतीय भाषांमध्ये आणि जगभरातल्या १२४ भाषांमध्ये उपलब्ध आहे.

from Computer News in Marathi: Latest Computer Technology Updates in Marathi | Maharashtra Times https://ift.tt/2nHdeHx