चांद्रयान-२: अंधारलेला चंद्र उजळून निघणार

नवी दिल्ली/बेंगळुरूः मधील महत्त्वाचा टप्पा मानल्या जाणाऱ्या विक्रम लँडरशी संपर्क अद्यापही प्रस्थापित होऊ शकलेला नाही. मात्र, भारताने पाठवलेल्या ऑर्बिटरने आपले काम सुरू केले आहे. या ऑर्बिटरमुळे चंद्राच्या कायम अंधारात असलेल्या बाजूविषयी माहिती मिळणार आहे. चांद्रयान-२ च्या माध्यमातून पाठवलेला चंद्रावर सूर्याचा उजेड पोहोचत नाही, अशा अंधाऱ्या बाजूची छायाचित्रे टिपणार आहे. या छायाचित्राच्या माध्यमातून चंद्राच्या आजवर उजेडात न आलेल्या बाजूचा अभ्यास करणे शक्य होणार आहे, अशी माहिती भारतीय अंतराळ संशोधन संस्थेतील () शास्त्रज्ञांनी दिली. ऑर्बिटरने पाठवलेली माहिती संपूर्ण जगासाठी नवीन असेल. भारताकडून पहिल्या टप्प्यात पाठवण्यात आलेल्या चांद्रयानापेक्षाही चांद्रयान-२ मधील ऑर्बिटर चांगली कामगिरी होत आहे, असेही त्यांनी सांगितले. पहिल्या चांद्रयानापेक्षा अधिक चांगली कामगिरी या मोहिमेतून अपेक्षित आहे. यातील मायक्रोव्हेव ड्यूअल-फ्रिक्वेंसी सेन्सरच्या मदतीने चंद्राच्या अंधारीत भागाचे मॅपिंग करणे शक्य आहे, असे इस्रोचे माजी अध्यक्ष एएस किरण कुमार यांनी नमूद केले. चंद्राचा आजवरचा इतिहास, चंद्रावर आजपर्यंत झालेले बदल, चंद्राची संरचना, चंद्रावरील खनिज संपत्ती, पाणी या सर्व गोष्टींची माहिती व अभ्यास इस्रोच्या चांद्रयान-२ मोहिमेमुळे मिळणे शक्य होणार आहे. भारताकडून पाठवण्यात आलेला ऑर्बिटर चंद्राच्या कक्षेत स्थिरावला असून, तो चंद्रापासून १०० कि.मी. अंतरावर आहे. दरम्यान, या मोहिमेतील महत्त्वाचा भाग असलेला विक्रम लँडर चंद्रावर उतरण्याच्या प्रक्रियेत २.१ कि.मी. अंतरावर असताना संपर्कहीन झाला. विक्रम लँडरशी संपर्क करण्याचे अथक प्रयत्न इस्रोकडून सुरू आहेत. मात्र, जसजसे दिवस पुढे जात आहेत, तसे विक्रमशी संपर्क साधण्याच्या आशा धुसर होत आहेत. अमेरिकेची अंतराळ संस्था नासादेखील भारताच्या मदतीला धावली असून, नासाचा ऑर्बिटर आता विक्रम लँडरचा शोध घेण्याचा प्रयत्न करणार आहे. ज्याठिकाणाहून विक्रमचा संपर्क तुटला, त्याठिकाणावरून नासाचा ऑर्बिटर मंगळवारी जाणार असून, यासंदर्भातील छायाचित्रे इस्रोकडे पाठवली जाणार आहेत. यामुळे विक्रमची नेमकी स्थिती समजण्यास मदत होणार आहे.

from Science & Technology News: Science News Updates, Science Technology News in Marathi | Maharashtra Times https://ift.tt/303cpLq