शाओमीचा Mi A3 भारतात लाँच, जाणून घ्या किंमत

नवी दिल्ली ः कंपनीने स्पेनमध्ये लाँच केल्यानंतर तो आता भारतातही लाँच केला आहे. या नव्या अँड्रॉयड फोनमध्ये ४८ मेगापिक्सलसह तीन रियर कॅमेरे आहेत. तसेच या फोनमध्ये ग्लॉसी फिनिश, वॉटरड्रॉप नॉच डिस्प्ले देण्यात आला आहे. भारतात लाँच करण्यात आलेल्या Mi A3 ची किंमत १२ हजार ९९९ रुपये आहे. म्हणजेच १३ हजारात तुम्हाला ४ जीबी रॅम आणि ६४ जीबी स्टोरेजचा स्मार्टफोन मिळू शकतो. Mi A3 च्या ६ जीबी रॅम आणि १२८ जीबी स्टोरेजच्या फोनची किंमत १५ हजार ९९९ रुपये इतकी आहे. Mi A3 चे स्मार्टफोन Not Just Blue, More Than White आणि Kind of Gray या तीन रंगात उपलब्ध करण्यात आले आहेत. या फोनची विक्री अॅमेझॉन इंडिया, एमआयची साईट आणि एमआय होम स्टोअरवर २३ ऑगस्ट रोजी दुपारी १२ वाजता सुरू होईल. तसेच या फोनची ऑफलाइन विक्री लवकरच सुरू करण्यात येईल. फोनमध्ये ड्युअल सीमकार्डसह अँड्रॉयड पाय ९.० देण्यात आला आहे. ६.०८ इंचाचा एचडी प्लस डिस्प्ले एमोलेड, गोरिल्ला ग्लास ५ चे प्रोटेक्शन, इन डिस्प्ले फिंगरप्रिंट सेन्सर, क्वालकॉमचे स्नॅपड्रॅगन ६६५ प्रोसेसर देण्यात आला आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/33OIZiA