सॅमसंग गॅलेक्सी नोटचे दोन नवे फोन आज होणार लाँच

बेंगळुरू: सॅमसंग आज भारतात आपले दोन नवे स्मार्टफोन आणि Galaxy Note 10+ लाँच करणार आहे. या महिन्याच्या सुरुवातीला हे दोन्ही फोन न्यूयॉर्कमध्ये सादर केले होते. लॉंचच्या आधीच कंपनीने या दोन्ही फोनच्या किंमती जाहीर केल्या आहेत. हे फोन गेले काही दिवस प्री-ऑर्डरसाठीही उपलब्ध करण्यात आले आहेत. फोनची विक्री २३ ऑगस्टपासून सुरू होणार आहे. आज दुपारी १२ वाजल्यापासून बेंगळुरूस्थित सॅमसंग ओपेरा हाऊसमध्ये हा लाँच कार्यक्रम होणार आहे. कंपनी हा इव्हेंट आपल्या वेबसाइटवर लाइव्ह स्ट्रीम करणार आहे. https://www.youtube.com/user/Samsungmobileindia या कंपनीच्या अधिकृत यूट्युब चॅनेलवरही हा कार्यक्रम पाहता येईल. फोनची प्री-बुकिंग ८ ऑगस्टपासून सुरू झाली आहे. ती २२ ऑगस्टपर्यंत सुरू राहणार आहे. सॅमसंग बेवसाइटसह ग्राहक फ्लिपकार्ट, अॅमेझॉन, पेटीएम आणि टाटा क्लिकवर हे फोन प्री-बुक करू शकतात. १० ची भारतातली किंमत ६९,९९९ रुपये आहे . भारतात गॅलेक्सी नोट १० केवळ ८ जीबी रॅम आणि २५६ जीबी स्टोरेज क्षमतेचा असेल. गॅलेक्सी नोट १०+ ची किंतमत ७९,९९९ रुपेय असून तो १०+१२ जीबी रॅम आणि २५६ जीबी स्टोरेजसह उपलब्ध असेल. हाच फोन १२ जीबी रॅम आणि ५१२ जीबी स्टोरेजसह ८९,९९९ रुपयांना असेल. कंपनी प्री-बुकिंगवर आकर्षक ऑफरदेखील देणार आहे. एचडीएफसी बँकेच्या क्रेडिट किंवा डेबिट कार्डवर प्री-बुक करणाऱ्या ग्राहकांसाठी ६ हजार रुपयांचं कॅशबॅक मिळणार आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2NkAt58