आता एअरटेल देणार मोफत एलईडी टीव्ही?

कल्याण पर्बत, कोलकाता भारती एअरटेल, रिलायन्स जिओच्या होम ब्रॉडबँड सर्व्हिस गिगाफायबरला तगडी टक्कर देण्याच्या तयारीत आहे. ग्राहकांना डिजीटल एन्टरटेनमेंट आणि वेगवान ब्रॉडबँड सर्व्हिस एकत्रित देण्यासाठी एक कस्टमाइज्ड अँड्रॉइड बेस्ड स्मार्ट सेट-टॉप बॉक्स आणणार आहे यामुळे जिओच्या गिगाफायबरला टक्कर देता येईल असा एअरटेलचा मानस आहे. एअरटेलचा अँड्रॉइड सेट टॉप बॉक्स नवा लुक, इंटिग्रेटेड टॅरिफ पॅकमध्ये मिळणार आहे. कंपनी याच्या माध्यातून मिड-टू-टॉप इंडस्ट्रीज पोस्ट पेड मोबाइल वापरकर्ते, होम ब्रॉडबँड, डायरेक्ट-टू-होम डिजीटल टीव्ही ग्राहकांना लक्ष्य करणार आहे. याविषयी माहिती संबंधितांनी दिली आहे. सुपर प्रीमिअम पॅकसोबत मिळणार टीव्ही याशिवाय एअरटेल सुपर प्रिमिअम पॅकवर सेट टॉप बॉक्ससोबत एचडी/ एलईडी टीव्हीही देणार आहे. एअरटेल या ऑफरद्वारे जिओच्या होम ब्रॉडबँड ग्राहकांना देण्यात येणाऱ्या 'वेलकम ऑफर'ला टक्कर देणार आहे. एअरटेलने चंदीगड, मध्यप्रदेश आणि आंध्र प्रदेशात एक अंतर्गत बिलिंग सेवा सुरू केली आहे आणि पुढल्या महिन्यापासून एअरटेल देशभरात ही सेवा लागू करण्याच्या तयारीत आहे. एअरटेल आपल्या एन्टरटेनमेंट-कम-ब्रॉडबँड पॅक पुढल्या महिन्याच्या सुरुवातीला जिओ गिगाफायबर लाँच होण्याच्या जवळपासच लाँच करणार असल्याची माहिती संबंधितांनी दिली आहे. ग्राहकांना मिळणार इतर सेवांचाही लाभ एअरटेलच्या एंटरटेनमेंट-कम-ब्रॉडबँड सेवेचा पर्याय निवडणाऱ्या ग्राहकांना प्रिमिअम ओटीटी कंटेट, स्ट्रीमिंग अॅप्लिकेशन्स, एचडी टीव्ही चॅनल्स, व्हर्च्युअल रिअलिटी अॅप्स पासून गेमिंग सेवेचाही लाभ मिळणार आहे. निवडक प्लानवर एअरटेलच्या वेगवान ब्रॉडबँडचा संभाव्य मूळ वेग १०० एमबीपीएस असणाची शक्यता आहे. किंमत आणि प्लान प्रतिस्पर्ध्याच्या तोडीस तोड असणार असल्याची माहिती संबंधितांनी दिली आहे. रिलायन्स जिओ ५ सप्टेंबरपासून होम ब्रॉडबँड सेवा लाँच करणार आहे. जिओ गिगाफायबरचे प्लान ७००-१०,००० रुपयांदरम्यान असतील अशी माहिती रिलायन्स उद्योग समूहाचे अध्यक्ष मुकेश अंबानी यांनी गेल्या आठवड्यात दिली आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/30wZjCj