इन्स्टाग्रामसाठी फेसबुकचं नवं मेसेजिंग अॅप

मुंबईः फेसबुकनं विकत घेतल्यानंतर इन्स्टाग्राममध्ये अनेक नवीन फिचर्स अपडेट होत गेले. आता लवकरच इन्स्टाग्रामसाठी आणखी एक फिचर घेऊन येत आहे. 'थ्रेड' या नावानं फेसबुक इन्स्टाग्रामसाठी एक नवं मॅसेजिंग अॅप आणण्याच्या तयारीत आहे. या मॅसेजिंग अॅपच्या माध्यमातून युजर्स जवळच्या मित्र-मैत्रीणींसोबत खासगी गोष्टी शेअर करू शकणार आहेत. सध्या फेसबुक या अॅपची चाचणी घेत आहे. इन्स्टाग्रामवरील क्लोज फ्रेंड या फिचरच्या मदतीनं मार्क केलेल्या मित्रांसोबत युजर या मेसेजिंग अॅपच्या माध्यमातून कनेक्ट होणार आहात. थ्रेड अॅप कधी लाँच होणार याविषयी फेसबुकनं अद्याप घोषणा केली नाहीये. इन्स्टाग्रामच्या तुलनेत युजर्स स्नॅपचॅटवर अधिक वेळ घालवत असल्याचं समोर आलं आहे. यासाठीचं फेसबुकनं या नवीन मेसेजिंग अॅपची निर्मिती करण्याचा निर्णय घेतला आहे. जेणेकरून युजर्स जास्तीत जास्तवेळी इन्स्टाग्रामवर घालवू शकतील.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2Pjcnu5