...म्हणून फेसबुक युजर्सकडून आकारू शकतं शुल्क

नवी दिल्ली: सोशल मीडिया म्हटलं की सर्वात आधी फेसबुकचंच नाव समोर येतं. सध्या फेसबुकचे जगभरात दोन अब्जाहून अधिक युजर्स आहेत. फेसबुकची विशेष बाब अशी की फेसबुकची सर्व सेवा यूजर्सना पूर्णपणे मोफत मिळते. पण, कदाचित यापुढे आपल्या युजर्सकडून मेंबरशीप फी आकारण्याची शक्यता आहे. ही शक्यता का वाटतेय ते पाहू... फेसबुकच्या मुख्य पेजवर साइन अपचा पर्याय असतो. अकाउंट उघडायचं असेल तर इथे साइनअप करावं लागतं. काही दिवसांपूर्वीपर्यंत साइनअपच्या खाली 'It's Free and always will be' अशी टॅगलाइन दिसायची. मात्र आता ती बदलण्यात आली आहे. आता जुनी टॅगलाइन बदलून ती 'It's quick and easy' अशी केली आहे. वेबॅक मशीनच्या माहितीनुसार, फेसबुकने ही टॅगलाइन ७ ऑगस्टच्या आसपास बदलली आहे. काय कारण? युजर्ससाठी फ्री असूनही फेसबुक जाहिरातींच्या माध्यमातून चांगली कमाई करत आहे. फेसबुक युजर्सना फ्रेंड्स आणि फॅमिलीशी कनेक्ट होण्याचा पर्याय देतं, पण बदल्यात ते युजर्सची वैयक्तिक माहितीही गोळा करतं. या डेटा अन्य कंपन्यांशी शेअर करतं, जेणेकरून कंपनी टारगेट युजर्सना जाहिरात दाखवून व्यवसाय वाढवू शकेल. फेसबुककडून उत्तर नाही या सर्व प्रकरणी फेसबुककडून अद्याप कोणतीही अधिकृत प्रतिक्रिया आलेली नाही. काही तज्ज्ञांचं म्हणणं आहे की फेसबुक युजर्सना पेड सबस्क्रिप्शनदेखील ऑफर करणार असेल. कदाचित या पेड व्हर्जनवर आणखी काही खास वैशिष्ट्ये असतील. सध्या तरी हा बदल का केलाय त्यामागचं कारण गुलदस्त्यात आहे.

from Computer News in Marathi: Latest Computer Technology Updates in Marathi | Maharashtra Times https://ift.tt/2zFXPd2