१२० इंच स्क्रीन असलेला स्मार्ट टी.व्ही येतोय

नवी दिल्लीः स्मार्ट टीव्हीची क्रेझ आजकाल वाढत चालली आहे. व्हिडिओ स्ट्रिमिंग आणि ओटीटी सेवांमुळं एलइडी स्मार्ट टीव्हीची मागणी वाढली आहे. कंपनीदेखील स्मार्ट टीव्हीची वाढती मागणी लक्षात घेऊन स्मार्ट टीव्ही लाँच करत आहेत. जपानची कंपनी शार्प १२० इंच स्क्रीन असलेला स्मार्ट टीव्ही लाँच करण्याच्या तयारीत आहे. शार्पच्या या टीव्हीमध्ये ५जी नेटवर्क असणार आहे. या आठवड्यात होणार लाँच कंपनी बर्लिनमध्ये ६ ते ११ सप्टेंबर दरम्यान होणाऱ्या आयएफए कार्यक्रमात हा टी.व्ही लाँच होणार आहे. १२० इंची टी.व्हीमध्ये ८के रिझोलुशन स्क्रीन देण्यात आली आहे. कंपनीनं टीव्हीचे फिचर्स आणि स्पेसिफिकेशनची माहिती अद्याप जाहीर केली नाहीये. शार्प टी.व्हीच्या ८के रिझोल्युशन आणि ५ जी इकोसिस्टममुळं युजर्सना अल्ट्रा क्लिअर पिक्चर आणि व्हिडिओचा आनंद घेता येणार आहे. ८के अल्ट्रा क्लिअर व्हिडिओसाठी कमीत कमी ५१२जीबीपीस अल्ट्रा हाय बँडविथची गरज आहे आणि यासाठी कंपनी ५जी नेटवर्क उपलब्ध करणार आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2UkCmjw