व्हॉट्अॅपमुळे फुल्ल होतेय फोनमेमरी?..'हे' करा

मुंबई: व्हॉट्स अॅपची क्रेझ कमी झालेली नाही. परिणामी आपल्या व्हॉट्सअॅपवर दिवसेंदिवस ग्रुप्स, नव्या कॉन्टॅक्टची भरच पडत असते. फोटो, व्हिडिओंची नुसती रेलचेल असते. परिणामी आपल्या फोनची मेमरी झपाट्याने कमी होत असते. व्हॉट्स अॅपवर येणारे मेसेज, व्हिडिओ, जीआयएफ अशा अनेक मीडिया फाइल्स बाय डिफॉल्ट डाउनलोड करतं. जर तुमच्या फोनची मेमरी यामुळे कमी होत असेल तर त्यावर एक सोपा उपाय आहे. व्हॉट्स अॅपच्या सेटिंगमध्ये जाऊन तुम्ही ऑटो डाउनलोड थांबवू शकता. शिवाय डेटा एन्ड स्टोरेजमद्ये जाऊन तुम्ही हेही ठरवू शकता की मीडिया फाइल्स केव्हा ऑटो डाउनलोड करायच्या. अँड्रॉइडसाठी... - व्हॉट्स अॅप उघडा. - वर उजव्या कोपऱ्यात असलेल्या तीन टिंबांचा पर्याय निवडा - सेटिंग्जमध्ये जाऊन चॅटवर टॅप करा - येथे मीडिया व्हिजिबिलिटी हा पर्याय बंद करा जर तुम्हाला सर्व चॅट्ससाठी हा पर्याय नको असेल तर पुढील पर्याय निवडा... - चॅट उघडा आणि वर उजव्या हाताला असलेल्या तीन टिंबांवर क्लिक करा - view contact वर टॅप करा आणि मीडिया व्हिजिबिलिटी वर क्लिक करा - आता तुम्हाला 'Show newly downloaded media from this chat in your phone's gallery?'असा प्रश्न तुमच्या स्क्रीनवर दिसेल. - तेथे No चा पर्याय निवडा. यानंतर व्हॉट्सअॅप आपोआप फाइल्स डाउनलोड करणार नाही आणि तुम्हाला जी फाइल डाउनलोड करायची असेल त्यावर क्लिक करून केवळ तितकंच डाउनलोड करता येईल. आयफोनवर... - व्हॉट्स अप उघडा. - बॉटम राइट कॉर्नरवरून सेटिंग्जवर जा - तेथे चॅटमध्ये जाऊन Save to camera roll वर जाऊन पर्याय बंद करा. कधी, कोणता डेटा आपोआप डाउनलोड करायचा या पर्यायासाठी व्हॉट्स अप सेटिंगच्या डेटा आणि स्टोरेज युसेज या पर्यायावर जा.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2YJLpzk