पॉर्न पाहताय; ब्लॅकमेलिंगसाठी रेकॉर्ड होतोय व्हिडिओ

नवी दिल्लीः इंटरनेटवर बघणं तुम्हाला महागात पडू शकत. पॉर्न व्हिडिओ पाहत असताना तुमच्या नकळत तुमचा व्हिडिओ रेकॉर्ड होण्याची शक्यता आहे. स्पॅमबॉट नावाच्या एका प्रोग्रॅममुळं युजर्स पॉर्न बघत असताना युजर्सचं चित्रीकरण केलं जातं. त्यानंतर या चित्रीकरणाच्या साहाय्यानं हॅकर्स युजर्सना ब्लॅकमेलिंग करतात. स्मॅमबॉट प्रोग्रॅमचं नाव Varenyky असून याचा शोध सर्वप्रथम फ्रान्सच्या तज्ञांनी लावला आहे. हॅकर्स याच्या मदतीनं युजर्सच्या कंम्पुटरचा अॅक्सेस मिळवू शकतात. त्यानंतर अॅडल्ट वेबसाइट व पॉर्न पाहिल्यास स्पॅमबॉट युजर्सचं चित्रीकरण करतात. पॉर्न वेबसाइटवर रजिस्टर करताना युजर्ससाठी एक टेस्ट असते आणि या टेस्टमुळं हॅकर्स कप्युंटरचा अॅक्सेस मिळवू शकतात. ब्लॅकमेल करण्याची शक्यता युजर्सचं चित्रीकरण केल्यानंतर त्यांना मेल पाठवला जातो. ज्यामध्ये तुमचा एक व्हिडिओ बनवण्यात आला आहे. या व्हिडिओत स्क्रीनवर एका बाजूला पॉर्न व्हिडिओ आहे तर एका स्क्रीनच्या एका बाजूला वॅबकॅमनं रेकॉर्ड केलेला युजर्सच व्हिडिओ दिसत असल्याचा दावा मेलमध्ये करण्यात येतो. इतकंच नव्हे तर, युजर्सचे फोटो, पासवर्ड, बँक अकाउंट आणि अन्य महत्वाची माहिती हॅकर्सकडं असल्याचं सांगण्यात येतं व युजर्सना खंडणीची मागणी केली जाते. रिमोट सर्व्हरवर सेव्ह होतो व्हिडिओ ७२ तासांच्या आत अकाउंटमध्ये रक्कम जमा झाली नाही तर व्हिडिओ सोशल मीडियावर अपलोड करण्यात येईल अशी धमकी युजर्सना दिली जाते. तसंच पासवर्ड किंवा व्हायरस डिलीट करण्याचा प्रयत्न केला तर हा व्हिडिओ तुमच्या जवळच्या सहा व्यक्तींना पाठवण्यात येईल असाही मेल करण्यात येतो. कारण, युजर्सचा सर्व डेटा रिमोट सर्व्हरवर सेव्ह केलेला असतो. फाईल डाऊनलोड करणं टाळा अद्याप अश्या प्रकरणांमध्ये कोणताही पुरावा समोर आला नाहीये. मात्र, युजर्सनी कोणत्याही फेक सॉर्सकडून आलेली फाईल किंवा अटॅचमेंट डाउनलोड करु नका. Varenyky व्हायरस युजर्सच्या कंप्युटरची स्क्रीन रेकॉर्ड करु शकतो. त्यामुळं युजर्स स्क्रीनवर काय बघत आहेत हे रेकॉर्ड होण्याची शक्यता अधिक आहे.

from Computer News in Marathi: Latest Computer Technology Updates in Marathi | Maharashtra Times https://ift.tt/2KvwaSn