ओप्पोच्या 'रेनो २' मध्ये ४ कॅमेरे; २८ ला लाँच

नवी दिल्लीः चीनची कंपनी ओप्पो () भारतात आपला नवीन स्मार्टफोन लवकरच लाँच करणार आहे. नवा ओप्पो रेनोचे नवीन जनरेशन ही सीरीज २८ ऑगस्ट रोजी लाँच करण्यात येणार आहे. ओप्पोने ट्विट करून फोनच्या लाँचची तारीख जाहीर केली आहे. तसेच या कार्यक्रमाला उपस्थित राहण्यासाठी मीडियाला निमंत्रण पाठवणेही कंपनीने सुरू केले आहे. कंपनीकडून करण्यात आलेल्या ट्विटमध्ये म्हटलेय की, कंपनी एकापेक्षा अधिक स्मार्टफोन लाँच करू शकते. कंपनीने याआधी ओप्पो रेनो सीरिजमध्ये ओप्पो रेनो (Oppo Reno) आणि ओप्पो रेनो १० एक्स झूम (Oppo Reno 10x Zoom) हे स्मार्टफोन लाँच केले होते. ओप्पो रेनो २ सर्वप्रथम भारतात लाँच करण्यात येणार आहे. या फोनमध्ये पाठीमागे ४ कॅमेरे देण्यात आले आहे. लीक झालेल्या रिपोर्ट्सनुसार, फोनमध्ये क्वालकॉम स्नॅपड्रॅगन ७१० प्रोसेसरचा पॉवर्ड राहणार आहे. फोनमध्ये ८ जीबी रॅम आणि १२८ जीबी इंटरनल स्टोरेज असण्याची शक्यता आहे. तसेच फोनमध्ये ४,०६५ एमएएच क्षमतेची बॅटरी देण्यात आली आहे. २८ ऑगस्ट रोजी लाँच होणाऱ्या स्मार्टफोनमध्ये ६.४३ इंचाचा एमोलेड डिस्प्ले असण्याची शक्यता आहे. ओप्पोने यावर्षी मे महिन्यात रेनो सीरिज भारतात लाँच केली होती. ओप्पो रेनो आणि ओप्पो रेनो १० एक्स झूम लाँच होणार आहे. ओप्पो रेनो १० एक्स झूमच्या ६ जीबी रॅम आणि १२८ जीबी स्टोरेजच्या फोनची किंमत ३९ हजार ९९० रुपये इतकी आहे. तर ८ जीबी रॅम आणि २५६ जीबी स्टोरेजच्या फोनची किंमत ४९ हजार ९९० रुपये इतकी आहे. ओप्पो रेनोचा सिंगल मोबाइल आला होता. त्याची किंमत ३२ हजार ९९० रुपये इतकी आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2Pfc0AP