सॅमसंग गॅलेक्सी नोट १० लॉंच, हे आहेत फिचर्स

बेंगळुरू: सॅमसंग गॅलेक्सी नोट १० आणि नोट १० प्लस आज लाँच झाले आहेत. हे फोन २३ ऑगस्टपासून विक्रीसाठी भारतात उपलब्ध होणार आहेत. या फोनमध्ये अनेक नवीन फिचर्स असून त्यातील पाच महत्त्वपूर्ण फिचर्सबद्दल माहिती जाणून घेऊया ऑडियो झूम कोणी व्हिडिओ शूट करताना दूरून जरी कॅमेऱ्यावर फोकस केलं तर गॅलक्सी नोट १० चा कॅमरा त्यावर व्हिडिओसोबत ऑडिओ फोकसही करेल. याचा अर्थ ज्या गोष्टीवर फोकस आहे त्याचा ऑडिओ रेकॉर्ड करेल. यामुळे आजूबाजूचा आवाज रेकॉर्ड होणार नाही आणि साउंड क्लॅरिटी चांगली असेल. म्यूझिक कॉन्सर्ट, प्रेस कॉन्फरन्सेसमध्ये या फिचरचा निश्चित फायदा होईल. लाइव्ह फोकस व्हिडिओ व्हिडिओ रेकॉर्ड करताना अनेकदा समोरची वस्तू स्थिर नसते. त्यामुळे मोबाईल कॅमेऱ्याचा फोकस डळमळीत होतो. व्हिडिओमध्ये फोकस ही खराब होतो. पण या सुविधेमुळे मोबाइलचा फोकस डळमळीत होणार नाही, समोरची वस्तू स्थिर नसली तरी त्याचा परिणाम होणार नाही. तसंच बॅकग्राउंडलाही अनेक वेगळे-वेगळे इफेक्ट्स देता येतील. याशिवाय फ्रंट आणि रियर कॅमेऱ्यामध्ये एक नवीन फिचर 'एअरडुडल'ही देण्यात आलंय. या फिचरमुळे कोणत्या चेहऱ्याचे डुडल तयार करता येईल. एस-पेनने चालवता येईल रिमोट कॅमेरा एस-पेन आधीपेक्षा कितीतरीपट अपडेट करून देण्यात आला आहे. १० मिनिटांत चार्ज झाल्यानंतर ८ -१० तास एस-पेनची बॅटरी संपणार नाही. यामुळे तुम्ही कितीही प्रकारचे एयर कमांड दे शकता. एस पेनच्या साहाय्याने फोनला हातही न लावता तुम्ही कॅमेऱ्या फिरवू शकता, झूम इन-झूम आऊट करू शकता, फोटो क्लिक करू शकता. . रॅम आणि प्रोसेसर १२ जीबी रॅम असलेला नोट १० प्लस दोन व्हेरिएंटमध्ये उपलब्ध आहे. २५६ जीबी आणि ५१२ जीबी इंटरनल स्टोरेजचे हे दोन व्हेरिएंट आहेत. सॅमसंगकडे स्वत:च 'एक्झिनॉस' प्रोसेसरही आहे जो स्नॅपड्रॅगन ८५५च्या स्तराचा आहे . ७ नॅनोमीटरचा या मोबाइलचा प्रोसेसर अत्यंत चांगला मानला जातो. हा आधीच्या नोट मोबाइलपेक्षा अधिक गतीने काम करेल. पहिल्यांदाच दोन नोट इतिहासात पहिल्यांदाच सॅमसंग दोन नोट फोन लॉंच करतो आहे. नोट१०मध्ये ६.३ इंची डिस्प्ले आहे, ८ जीबी रॅम आणि २५६ जीबी इंटरनल स्टोरेज आहे. नोट१० प्लसमध्ये १२ जीबी रॅमप्रमाणे २५६ जीबी आणि ५१२ जीबी स्टोरेजचे दोन व्हेरिएंट आहेत. यामध्ये ड्युअल सीम सोबत मेमरी कार्ड स्पेसपण आहे. ही स्पेस नोट १०मध्ये नाही. नोट १० प्सलमध्ये एक एक्स्ट्रा कॅमेरा लेंसदेखील आहे. नोट १०ची स्क्रीन साइझ ६.३ इंच आहे तर प्लसची स्क्रीन साइझ ६.८ इंच आहे. नोट१०ची बॅटरी क्षमता ३५०० एमएएच आहे तर प्लसची बॅटरी क्षमता ४३०० एमएएच आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2HifQlY