शाओमीचे 'हे' स्मार्टफोन झाले स्वस्त

दिल्ली: तुम्ही नवीन स्मार्टफोन विकत घेण्याचा विचार करत असाल तर तुमच्यासाठी एक खुशखबर आहे. शाओमाने आपल्या ६ लेटेस्ट स्मार्टफोन्सच्या किमतीत कपात केली आहे. बाजारातील वाढती स्पर्धा पाहता शाओमीने हा निर्णय घेतला आहे. क्वाड कॅमेरा सेटअप असणाऱ्या रियलमी ५ आणि रियलमी ५ प्रोच्या किमतींवर आकर्षक सूट देण्यात आली आहे. रियलमी ५ ९,९९९ रुपयांत तर रियलमी ५ प्रो १३,९९९ रुपयांत मिळतो आहे. याशिवाय १५,९९९ रुपयांत मिळणाऱ्या रेडमी नोट७ची किंमत कमी करुन १४,९९९ रुपये करण्यात आली आहे. या फोनमध्ये ६.३ इंची फुल एचडी स्क्रीन आणि डिस्प्ले आहे. तर १०८०*१९२० पिक्सेल्सचं रिझोल्युशनही देण्यात आलं आहे. या डिव्हाइसमध्ये ४८ एमपीचा रियर कॅमेरा सोनी आयएमएक्स ५८६चा सेंसर देण्यात आला आहे. तर शाओमीच्या रेडमी नोट ७एस ची किंमत हजार रुपयांनी कमी करून ११,९९९ रुपये करण्यात आली आहे. या मोबाइलमध्ये ६.३ इंची डिस्प्ले आणि गोरिला ग्लास प्रोटेक्शन देण्यात आलं आहे. तसंच ड्युअल रिअर कॅमेराही देण्यात आला आहे. ९,९९९ रुपयांचा शाओमीचा रेडमी व्हाय३ हा मोबाइलही आता ८,९९९ रुपयांत मिळतो आहे. या फोनमध्ये ३२ मेगापिक्सेलचा सेल्फी कॅमेरा आणि ८० डिग्री फील्ड ऑफ व्हयू देण्यात आलं आहे. या मोबाइलमध्ये सेल्फी कॅमेऱ्यासोबत फुल एचडी व्हिडिओ रेकॉर्डिंग सपोर्टही मिळतो. तीन जीबी रॅम असलेल्या शाओमी रेडमी सेव्हनही ५०० रुपयांनी स्वस्त होऊन ८४९९ रुपयांना मिळतो आहे. या फोनमध्ये ६.२६ इंची स्क्रीन, १२एमपीचा रियर कॅमेरा सेटअप, ४००० एमएएचची बॅटरीही देण्यात आली आहे. याच मोबाइलचा २ जीबी रॅमचाही एक व्हेरिएंट उपलब्ध असून त्याची किंमत ७९९९ रुपयांवरून ७४९९ रुपये करण्यात आली आहे. या व्हेरिएंटमध्ये ६३२ ऑक्टा कोर प्रोसेसरही देण्यात आलं आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2Nluxso