व्हॉट्सअॅपचं नवं फिचर; फेक न्यूजला बसणार आळा

मुंबई : खोट्या बातम्या आणि चुकीच्या माहितीला आळा घालण्यासाठी व्हॉट्सअॅपने कंबर कसली असून यासाठी एक नवं फिचर व्हॉट्सअॅपवर लवकरच उपलब्ध होणार आहे. या फिचरमुळे पूर्वी अनेक वेळा फॉरवर्ड करण्यात आलेल्या मेसेजची माहिती यूजरला मिळेल. त्यामुळे मेसेज फेक आहे की नाही याची पडताळणी यूजरला करता येईल. व्हॉट्सअॅपद्वारे खोट्या बातम्या आणि चुकीची माहिती पसरली जाऊ नये यासाठी मेसेज फॉरवर्ड करण्याची मर्यादा व्हॉट्सअॅपने ठरवून दिली होती. यानुसार एकावेळी ५ पेक्षा जास्त जणांना मेसेज फॉरवर्ड करणे शक्य नव्हते. शिवाय फॉरवर्ड केलेल्या मेसेज वर 'forwarded' असं लिहीलेलं असे. व्हॉट्सअॅपर येणाऱ्या या नव्या फिचरमुळे आता असा अनेक वेळा फॉरवर्ड केलेला मेसेज पुढे पाठवताना, यूजर यापूर्वी अनेक वेळा फॉरवर्ड झालेला मेसेज पुन्हा फॉर्वर्ड करत आहे, असं नोटीफिकेशनद्वारे सूचित करण्यात येईल. यानंतर हा मेसेज फॉरवर्ड करायचा की नाही हे ठरवण्याची जबाबदारी यूजरवर असेल. याच सोबत, एखादा मेसेज पाच पेक्षा जास्त वेळा एखादा मेसेज फॉरवर्ड करण्यात आला असेल तर त्यावर एक डाऊन ऍरो दिसेल. मेसेज सोबतच फोटो आणि व्हिडिओसाठीही हे फिचर लागू करण्यात येणार आहे. त्यामुळे ओळखणं यूजरला सोपं जाईल. व्हॉट्सअॅपचं हे नवं फिचर गेल्या अनेक दिवसांपासून चर्चेत होतं. व्हॉट्सअॅपच्या बीटा व्हर्जनमध्ये टेस्टींगसाठी उपलब्ध करून देण्यात आलेलं हे फिचर लवकरच सर्व व्हर्जन्ससाठी रोलआऊट होईल. येत्या काही दिवसांत सर्व यूजर्सला हे फिचर वापरता येईल.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/31gN8JT