गणिताच्या 'या' कोड्याचा इंटरनेटवर धुमाकूळ

नवी दिल्ली गणित म्हटलं की अनेकांच्या कपाळावर आपोआप आठ्या पडतात. सोप्या गणिती कोड्यांची उत्तरं कोणीही देऊ शकतं, पण एखाद्या कोड्याचं योग्य उत्तरच सापडत नसेल तर? इंटरनेटवर सध्या अशाच एका गणिती कोड्याचा धुमाकूळ सुरू आहे. ट्विटरवर एका युजरने एक सोपं गणित ट्विट केलं आणि ते सोडविण्याचं आवाहन केलं. ८÷२ (२+२)=? असं हे कोडं या युजरने ट्विट केलं. त्यानंतर याच्या उत्तरावरून नेटिझन्समध्ये दोन गट तयार झाले आहेत. काही नेटिझन्सने याचं उत्तर १६ असं दिलं आहे. तर काहींनी १ असं म्हटलं आहे. एका युजरने गणिताचं उत्तर १६ असं असून चुकीचं उत्तर देणारे गणितात नापास झालेले असावेत असं म्हटलंय. तर दुसऱ्या एका युजरने माझ्याकडे गणित विषयाच्या दोन पदवी असून याचं उत्तर १ असं आहे, असा दावा केला आहे. आधी कंस सोडवल्यानंतरचं उत्तर इंटरनेटवर व्हायरल झालेल्या या गणिताच्या उत्तरावरून दोन गट का तयार झाले? यावर गणिततज्ज्ञ डॉ. थॉमस हाऊस यांनी प्रतिक्रिया दिली. ते म्हणाले, तुम्ही गणितात कंसाचा वापर कोणत्या पद्धतीने करता यावर याचं उत्तर ठरतं. गणितात सर्वातआधी कंस सोडवून घ्यावा अशी सोपी पद्धत आहे. त्यानुसार ८÷२(२+२)= ८÷२(४) अशी पहिली पायरी होते आणि गुणाकार करण्याआधी भागाकार केला जातो यानियमानुसार ४(४)=१६ असं उत्तर मिळतं. गणिताचं १ हे उत्तर कसं येतंय? गणितातील कंस तुम्ही दुसऱ्या पद्धतीने सोडवले तर याचं उत्तर १ असं येतं. गणित सोडवताना काहीजण भागाकार करण्याआधी कंसातील गुणाकार करण्याची पद्धत वापरतात. त्यामुळे या गणिताची पहिली पायरी ८÷८ अशी होते. त्यानुसार उत्तर १ असं येतं. तज्ज्ञांच्या मतानुसार अशावेळी कॉम्प्युतर प्रणालीनुसार योग्य उत्तर निश्चित करणं जास्त सोयीस्कर आहे. त्यानुसार या गणिताचं उत्तर १६ असं येतं.

from Computer News in Marathi: Latest Computer Technology Updates in Marathi | Maharashtra Times https://ift.tt/2yxFI8I