जिओ फोन आणि गिगाफायबर उद्या लाँच होण्याची शक्यता

मुंबईः रिलायन्सचा महत्त्वाकांक्षी जिओ गिगा फायबर डिव्हाइसच्या लाँचसंदर्भात उद्या घोषणा होण्याची शक्यता होणार आहे. तसंच फोन ३ उद्या लाँच करण्याच्या तयारीत आहे. जिओ फोन ३चं वैशिष्ट्य म्हणजे हा फोन अँड्रोइड गो ऑपरेटिंग सिस्टमवर काम करणार आहे. गिगा फायबर ही एक ब्रॉडबँड सेवा आहे. युजर्सना हाय स्पीट इंटरनेटबरोबरच जिओ टी.व्ही सारख्या सुविधा उपलब्ध होणार आहेत. गिगा फायबर लाँच करण्याआधी त्याची चाचणी यशस्वीरित्या झाली असल्याचं मुकेश अंबानी यांनी स्पष्ट केलं होतं. जियो गीगाफायबर कनेक्शन आणि सबस्क्रिप्शन कंपनीनं डिव्हाइसच्या चाचणी दरम्यान ४,५०० रुपये सिक्युरिटी डिपॉजिटसह उपलब्ध केलं होत. मात्र, कंपनीनं आता त्याची किमंत कमी करुन २, ५०० रुपये इतकी केली आहे. गिगाफायबरचं सबस्क्रिप्शनची सुरुवात ६०० रुपये प्रतिमहिना असेल. यात युजर्सना ५०mbps स्पीडबरोबरच १०० जीबी डेटा मिळेल. डेटा बेनिफिटबरोबरच या प्लॅनमध्ये लँडलाइनसाठी फ्री कॉलिंगची ऑफर दिली आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2OSRpBY