सेक्स सिम्युलेटर अॅपच्या मदतीने होऊ शकता ब्लॅकमेल

नवी दिल्ली: सध्या तरुणाईमध्ये अत्यंत लोकप्रिय झालेल्या सेक्स सिम्युलेटर अॅपच्या मदतीने अनेकांना ब्लॅकमेल केलं जातं आहे. तसंच मोठ्या प्रमाणात डेटा चोरीही केली जात आहे. तेव्हा संबंधित मॅसेजसपासून सावध राहण्याचा सूचना केली जाते आहे. अनेक सेक्चुअल गेम्स असलेला 'सेक्स सिम्युलेटर' अॅप सध्या प्रचंड लोकप्रिय झाला आहे. या अॅपवर सेक्ससाठी उत्तेजन देणाऱ्या अनेक गोष्टी देण्यात आल्या आहेत. पण याच अॅपवरून युजर्सचे फोटो घेऊन ते फोटो त्यांना अज्ञात क्रमांकावरून पाठवणारे एक रॅनसमवेअर १२ जुलैच्या आसपास जनरेट झालं आहे. या एसएमएसमध्ये एक लिंक दिली असते. या लिंकवर क्लिक केल्यास तुमचे सगळे फोटो पाहायला मिळतील असंही या एसएमएसमध्ये सांगितलं असतं. पण एकदा त्या लिंकवर क्लिक केल्यास मोबाइलमधील सर्व डेटा ती लिंक इन्क्रिप्ट करते. नंतर मोबाइलमधील खाजगी फोटो आणि इतर माहितीच्या साहाय्याने युजरला ब्लॅकमेल केलं जातं आहे. खाजगी फोटो व्हायरल करण्याची भीती दाखवून भली मोठी रक्कम वसूल केली जातं आहे. त्यामुळे असे मॅसेजेस आल्यास ते तातडीने डिलीट करावे अशी सूचना दिली जात आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2MpIx3Y