खुशखबर! 'बीएसएनएल'ची ४ जी सेवा लाँच

हैदराबाद () ने आपल्या ४ जी सेवेचा विस्तार करण्याची घोषणा केली आहे. केरळ, कर्नाटकनंतर आता बीएसएनएलने आंध्र प्रदेश राज्यात फोर जी सेवा लाँच करण्याची घोषणा केली आहे. आंध्र प्रदेश राज्यातील ग्राहकांना आता हायस्पीड फोर जी सेवेचा आनंद घेता येणार आहे. बीएसएनएलचे आंध्र प्रदेशातील विभागीय मुख्य मॅनेजर ए. पी. राव यांनी बुधवारी फोरजी नेटवर्कची लाँचिंग केली. बीएसएनएलच्या ग्राहकांची संख्या दिवसेंदिवस वाढत आहे. यावर्षीच्या जुलैअखेर ३.३३ लाख नवीन ग्राहक जोडले असल्याची माहिती राव यांनी यावेळी बोलताना दिली. आंध्र प्रदेशात ३५० फोरजी टॉवर्स उभारण्यात आले आहे. त्यामुळे ग्राहक दररोज १२२-२ टीबीपर्यंत डेटा वापरू लागले आहेत. तसेच मोबाइल सेवेच्या विस्तारासाठी २०० कोटी रुपये खर्च करण्याची तयारी कंपनीनं केली आहे, असेही राव यांनी यावेळी सांगितले. कंपनीने आंध्र प्रदेशमधील ४जीसाठी ३५० नवीन टॉवर्स उभारले आहेत. तर लवकरच आणखी १५० टॉवर्स उभारण्याची योजना आहे. जुलै २०१९ पर्यंत कंपनीने एकूण १७ हजार १७१ ब्रॉडब्रँड कनेक्शन लावले आहे, अशी माहितीही त्यांनी यावेळी दिली.

from Science & Technology News: Science News Updates, Science Technology News in Marathi | Maharashtra Times https://ift.tt/316MyhF