मस्तच...'या' फोनची बॅटरी क्षमता ६०००एमएएच!

मुंबई स्मार्टफोन खरेदी करताना ग्राहक फोनमधील फिचर्ससोबत त्याची बॅटरी क्षमता हा मुद्दाही लक्षात घेतात. आता आसूसने नुकत्याच लाँच केलेल्या आसूस ROG Phone II ची बॅटरी क्षमता तब्बल ६००० एमएएच इतकी आहे. आसूसचा हा नवा मोबाइल खास गेमिंग स्मार्टफोन असून मोबाइल गेमिंगचे वेड असणाऱ्यांसाठी हा खास मोबाइल आहे. किंमत चीनमध्ये या फोनची सुरुवातीची किंमत ३४९९ युआन म्हणजे जवळपास ३५ हजार रुपये आहे. १२ जीबी रॅम असणाऱ्या वेरिएंटची किंमत ५९९९ युआन म्हणजे जवळपास ६० हजार रुपये आहे. भारतात Asus ROG या ८ जीबी रॅम व १२८ जीबी इंटर्नल स्टोरेज असणाऱ्या वेरिएंटची किंमत ६९,९९९ रुपये आहे. आसूस या फोनची आणखी एक सुपर मॉडेल लाँच करण्याची शक्यता असून त्याची किंमत ८० हजार रुपये असू शकते. Asus ROG Phone II ची वैशिष्ट्ये फोनमध्ये सोनी आयएमएक्स५८६ चा ४८ मेगापिक्सलचा कॅमेरा सेंसर आणि १३ मेगापिक्सलचा वाइड अॅंगल लेंस आहे. तर, सेल्फीसाठी फोनमध्ये १३ मेगापिक्सलचा फ्रंट कॅमेरा आहे. या फोनमध्ये स्नॅपड्रॅगन ८५५ प्लस प्रोसेसर आहे. याचा सीपीयू क्लॉकचा वेग स्नॅपड्रॅगन ८५५ पेक्षा अधिक आहे. स्नॅपड्रॅगन ८५५ प्लस प्रोसेसरवर चालणारा हा पहिला फोन आहे. या फोनमध्ये १२० Hz एमोल्ड स्क्रीन असून अशाप्रकारचा हा जगातील पहिला फोन आहे. आतापर्यंत ९० Hz एमोल्ड स्क्रीनपर्यंतचा मोबाइल लाँच झाला आहे. यामध्ये वनप्लस ७ प्रो आणि ROG फोनचा समावेश आहे. फोनमध्ये ६.५९ इंचाची स्क्रीन आहे. फोनमध्ये कॉर्निंग गोरिल्ला ग्लास ६ आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/32KW3EY