टिकटॉक युजर्सचा डेटा भारतातच होणार स्टोर

मुंबई: शॉर्ट व्हिडिओ अॅप टिकटॉकची निर्मिती कंपनी बाइटडान्स भारतात आपला डेटा सेंटर सुरू करणार आहे, असे पाऊल उचलणारी ही पहिली सोशल मीडिया कंपनी असणार आहे. व्हिडिओजवळ १२० दशलक्ष दरमहा युजर्स आहेत. भारतातील तरुणाईमध्ये टिकटॉक प्रचंड लोकप्रिय आहे. त्याशिवाय हेलो अॅपदेखील लोकप्रिय होत आहे. केंद्र सरकारने नुकतेच कंपनीला पत्र लिहून युजर्सचा डेटा कशाप्रकारे सेव्ह केला जातो, याबाबत प्रश्न विचारले होते. त्याशिवाय टिकटॉकवर युजर्सकडून येणाऱ्या कंटेटवरही प्रश्न निर्माण केले होते. त्यानंतर कंपनीने रविवारी आपली भूमिका स्पष्ट केली. आता मोठे पाऊल उचलण्याची वेळ आली असल्याचे कंपनीने सांगत भारतात आम्ही डेटा सेंटर बनवत असल्याची घोषणा केली. कंपनी आतापर्यंत भारतीय युजर्सचा डेटा सिंगापूर आणि अमेरिकेतील थर्ड पार्टी डेटा सेंटर्सवर स्टोर करत होती. दरम्यान, युजर्स वाढवण्यासाठी आणि टिकवण्यासाठी टिकटॉकमध्ये आता नवीन अपडेट्सही येणार आहेत. व्हॉट्स अॅपचा एक नवीन फिचर येणार असून युजर्स टिकटॉक व्हिडिओ अॅपद्वारे आपल्या मित्रांना पाठवू शकणार आहे. त्याशिवाय टिकटॉकवर डिस्कवर टॅब, लिंक अकाउंटसारखी फिचर्स उपलब्ध होणार आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2JGT8pj