आता अॅमेझॉन करणार फूड डिलीव्हरी

बेंगळुरू स्विगी, झोमॅटो आणि उबेर इट्स या फूड डिलीव्हरी कंपन्यांच्या शर्यतीत आता अॅमेझॉनही उतरली आहे. किरकोळ व ई-विक्री क्षेत्रातील आघाडीची कंपनी आता फूड डिलीव्हरी क्षेत्रात एन्ट्री करणार आहे. भारतात ऑनलाइन फूड सर्व्हिसचा व्यापार वाढत आहे. ग्राहकांकडून मोठ्या प्रमाणात या अॅप्सचा वापर केला जातो. एका अहवालानुसार ऑनलाइन जेवण ऑर्डर करणाऱ्यांच्या संख्येत १७६ टक्के वाढ झाली आहे. त्यामुळं अॅमेझॉनही या क्षेत्रात उतरली आहे. अॅमेझॉन उद्योजक नारायण मूर्ती यांच्या कॅटामारन कंपनीसोबत भागीदारी करण्यार असल्याचं बोललं जात आहे. तर एकीकडे अॅमेझॉन उबेर इट्स खरेदी करणार असल्याची चर्चा आहे. सूत्रांनी दिलेल्या माहितीनुसार, अॅमेझॉमनं या नवीन व्यवसायासाठी कर्मचाऱ्यांची भरती करण्यास सुरुवात केली आहे. सप्टेंबर महिना हा सण- उत्सवाचा असतो. हेच लक्षात घेऊन अॅमेझॉननं नव्या व्यवसायचा श्रीगणेशा करण्यासाठी सप्टेंबर महिना निवडला आहे.

from Computer News in Marathi: Latest Computer Technology Updates in Marathi | Maharashtra Times https://ift.tt/2OtMZ4r