अॅपलच्या चार 'आयफोन'ची भारतात विक्री बंद

नवी दिल्ली अॅपल कंपनीनं स्वस्तात विकल्या जाणाऱ्या , , आणि iphone 6sPlus या चार आयफोन्सची भारतातील विक्री बंद केली आहे. कंपनीच्या नव्या धोरणानुसार, विक्रीच्या संख्येपेक्षा किंमतींवर लक्ष्य केंद्रीत करण्याचे अॅपल कंपनीनं ठरवलं आहे. एसई, ६, ६ प्लस आणि ६ एस प्लस या चार फोनचा पुरवठा मागील महिन्यापासून थांबवण्यात आला आहे. अॅपल कंपनीच्या डिस्ट्रीब्युटर्सच्या सेल्स टीमला याची माहिती देण्यात आली आहे. अॅमेझॉनवर हे चारही फोन आऊट ऑफ स्टॉक झाले आहेत. तर फ्लिपकार्टवर केवळ आयफोन एसई आणि ६ प्लस या दोन फोनचा स्टॉक आहे. दरम्यान, भारतात या चार फोनची विक्री थांबवण्यात आली असली तरी अमेरिकेत मात्र अॅपलच्या वेबसाईटवर हे चारही फोन विक्रीसाठी उपलब्ध आहेत. २०१८-१९ मध्ये भारतातील मिळकत आणि नफेत वाढ झाल्याने अॅपल कंपनीनं हा निर्णय घेतला आहे. गेल्यावर्षी आयफोनच्या विक्रीत घट झाली होती. परंतु, कंपनीनं महागड्या आयफोन्सवर फोकस केल्यानं कंपनी नफ्यात आली. एप्रिल-जूनमध्ये आयफोन एक्सआरची किंमत कमी झाल्याने अॅपलच्या विक्रीत वाढ झाली होती.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2XOUlyT