रात्रभर ट्विटर डाऊन, यूजर्स वैतागले!

नवी दिल्ली: इंटरनेटच्या महाजालातील सर्वात लोकप्रिय असलेलं अकाउंट रात्रभर बंद होतं. त्यामुळे जगभरातील ट्विटर रात्रभर वैतागले होते. ट्विट करता येत नव्हतं आणि ट्विट येतही नसल्याने या यूजर्सना त्रास सहन करावा लागला. पहाटे ५-६च्या सुमारास ट्विटर सुरू झाल्यानं यूजर्सना हायसं वाटलं. दरम्यान, ट्विटर का ठप्प झालं?, याचं कारण कंपनीने अजूनही दिलेलं नाही. गुरुवारी रात्री ट्विटर ठप्प झाल्यावर रात्रभर यूजर्सनी फेसबुक आणि इन्स्टाग्रामवर पोस्ट टाकून त्यावर प्रतिक्रिया व्यक्त करताना ट्विटर कंपनीविरोधात संतापही व्यक्त केला. एवढंच नव्हे तर ट्विटर सुरू झाल्यानंतरही ट्विटरवरही यूजर्सनी ट्विटर का बंद झालं? याबाबतचे प्रश्न उपस्थित केले. या दरम्यान, काही यूजर्सनी तर ट्विटर बंद झाल्याचे मीम्सही व्हायरल केले. दरम्यान, ट्विटर अकाउंट सुरू झाल्यानंतरही लोकांनी प्रश्नांचा भडिमार केल्याने ट्विटर कंपनीनेही एक मजेशीर ट्विट करून यूजर्सना चिमटा काढला. 'आम्हाला मिस केलंत का?' असा मिश्किल प्रश्न ट्विटरने विचारला. त्यावर यूजर्सनेही फनी मीम्स व्हायरल करून ट्विटरला उत्तर दिलं. त्यानंतर कंपनीचे सीईओ जॅक यांनीही ट्विट केलं. 'ट्विटर अकाउंट डाऊन झालं होतं. मात्र हळूहळू ट्विटर सेवा पूर्वपदावर येत आहे. त्याबद्दल दिलगीर आहोत. आमच्या ऑपरेशन्स आणि इंजिनीयरिंग टीमने प्रचंड मेहनत घेऊन ट्विटर पुन्हा पूर्वपदावर आणलं. त्यांचे आभार,' असं जॅक यांनी ट्विटमध्ये म्हटलं आहे. मात्र ट्विटर अकाउंट का डाऊन झालं हे मात्र सांगितलं नाही.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2YYKh7u