नवी दिल्ली शाओमीच्या ' या स्मार्टफोनचा आज पहिला सेल आहे. आज दुपारी १२ वाजता फ्लिपकार्ट आणि एमआय डॉट कॉम (mi.com) या वेबसाइटवरून ग्राहकांना हा फोन खरेदी करता येऊ शकणार आहे. सध्या हा फोन ऑनलाइन खरेदी करण्याची सुविधा असून काही दिवसांनंतर मात्र ऑफलाइन खरेदी करता येऊ शकणार आहे. रेडमी ७ ए शाओमीचा ए सीरिजचा हा सर्वात लेटेस्ट स्मार्टफोन आहे. या फोनचे वैशिष्ट्ये म्हणजे कमी किंमतीत या फोनमध्ये चांगले फीचर देण्यात आले आहेत. आजच्या लाँच ऑफरमध्ये आकर्षक डिस्काउंट देण्यात आले आहेत. 'रेडमी ७ ए'च्या २ जीबी रॅम आणि १६ जीबी स्टोरेजची किंमत ५ हजार ९९९ रुपये इतकी आहे. तर २ जीबी रॅम ३२ जीबी इंटरनल स्टोरेजची किंमत ६ हजार १९९ रुपये इतकी आहे. मॅट ब्लॅक, मॅट ब्लू आणि मॅट गोल्ड या तीन रंगात हा फोन उपलब्ध करून देण्यात आला आहे. लाँच ऑफरमध्ये २०० रुपयांच्या डिस्काउंटसोबतच नो कॉस्ट ईएमआय, एक्सचेंज ऑफरचा पर्याय उपलब्ध आहे. अॅक्सिस बँक बज क्रेडिट कार्डवरून हा फोन खरेदी केल्यास अतिरिक्त ५ टक्के डिस्काउंट ग्राहकांना मिळणार आहे. एमआय डॉट कॉमवरून फोन खरेदी केल्यास रिलायन्स जिओकडून १२५ जीबीचा अतिरिक्त डेटासह २२०० रुपयांचा कॅशबॅक मिळणार आहे.
from Latest Mobile Phones: Mobile News, Latest Mobile News in Marathi | Maharashtra Times https://ift.tt/2YKAySt
Comments
Post a Comment