सॅमसंग गॅलेक्सी नोट १०मध्ये एक टीबी मेमरी क्षमता?

मुंबई सॅमसंग लवकरच 'गॅलेक्सी नोट १०' लाँच करणार आहे. या फोनबद्दल प्रचंड उत्सुकता आहे. 'गॅलेक्सी नोट १०'च्या काही खास वैशिष्ट्ये समोर आली आहेत. गॅलेक्सी नोट १०मध्ये मेमरी कार्ड स्लॉट नसणार आहे. त्याशिवाय गॅलेक्सी नोट १० प्रो मोबाइलची मेमरी स्टोरेज क्षमता एक टीबी असणार आहे. गॅलेक्सी नोट १० आणि गॅलेक्सी नोट १० प्रो या दोन प्रकारात सॅमसंग 'गॅलेक्सी नोट १०' लाँच करणार आहे. या फोनमध्ये मेमरी क्षमता वाढवण्याचा पर्याय नसण्याची दाट शक्यता असल्याचे वृत्त आहे. सॅमसंग 'गॅलेक्सी नोट १०' मध्ये ६.४ इंचाचा डायनॅमिक एमोल्ड डिस्प्ले असू शकतो. त्याशिवाय १२८ जीबी स्टोरेज असलेल्या बेस वेरिएंटसह मोबाइल लाँच होण्याची दाट शक्यता आहे. बॅटरी क्षमता ४१७० एमएएच इतकी असणार असल्याची शक्यता आहे. तर, दुसरीकडे गॅलेक्सी नोट १० प्रो मॉडलमध्ये ६.८ इंचाचा एमोल्ड डिस्प्ले असू शकतो. या फोनमध्ये २५६ जीबी मेमरी क्षमता असणार असून या फोनचा वेरिएंट १ टीबीपर्यंतही लाँच होऊ शकतो. या फोनचीही बॅटरी क्षमता ४१७० एमएएच इतकी असणार आहे. गॅलेक्सी नोट १० ची किंमत ही जवळपास ७५ ते ८३ हजार रुपयांदरम्यान असण्याची शक्यता असल्याचे वृत्त एका रशियन वेबसाइटने दिले आहे. ही किंमत ५ जी मॉडेलची आहे की एलटीई व्हर्जनची आहे, याबाबत अधिक सुस्पष्टता आलेली नाही. दरम्यान, इ हा नवीन मोबाइलही लाँच करू शकतो. जर हा मोबाइल नोट १० चा अफोर्डेबल व्हर्जन असेल तर यामध्ये काही फिचर्स कमी असू शकतात.

from Latest Mobile Phones: Mobile News, Latest Mobile News in Marathi | Maharashtra Times http://bit.ly/2xfffvW