सॅमसंगच्या 'या' मोबाइलची किंमत पाच लाख रुपये

मुंबई काही मोबाइल त्यांच्यातील वैशिष्ट्यांमुळे अगदी खास लाखमोलाचे ठरत असतात. तर, काही मोबाइल किंमतीच्या बाबतीतही लाखमोलाच्या असतात. सॅमसंगचा गॅलेक्सी फोल्ड मोबाइलही लाखमोलाचा ठरणार आहे. रशियन कंपनी ने सॅमसंगचा फोल्डेबल मोबाइल गॅलेक्सी फोल्डचे मर्यादित फोन लाँच केले असून त्याची किंमत तब्बल पाच लाख रुपयांच्या घरात आहे. रशियन कंपनी Caviar ने तीन वेरिएंट लाँच केले आहेत. यातील एका मोबाइल वेरिएंटची थीम 'गेम्स ऑफ थ्रोन'पासून प्रेरित आहे. तर, अन्य मोबाइल लेदर आणि कार्बन अशा वेरिएंटमध्ये आहेत. 'सॅमसंग गॅलेक्सी फोल्ड'च्या 'गेम्स ऑफ थ्रोन्स' एडिशन स्मार्टफोनमध्ये 'सेवन किंगडम बिग हाऊस', 'ड्रॅंगस', 'टॉवर ऑफ द प्लेस', 'वेस्टरॉस'चा नकाशा दाखवण्यात आला आहे. कंपनीने सध्या फक्त सातच मोबाइल बनवले आहेत. असाच एक फोन 'गेम ऑफ थ्रोन्स'चे लेखक जॉर्ज मार्टिन यांना भेट देण्यात आला आहे. या खास सॅमसंग गॅलेक्सी फोल्डच्या 'गेम्स ऑफ थ्रोन्स'ची किंमत ८, १८० डॉलर (जवळपास ५.७ लाख रुपये) आहे. ही किंमत जवळपास मूळ किंमतीपेक्षा चारपट अधिक आहे. सॅमसंग गॅलेक्सी फोल्डची किंमत १,९८० डॉलर आहे. लवकरच हा फोन विक्रीसाठी बाजारात उपलब्ध होणार आहे. दरम्यान, या स्मार्टफोनशी निगडीत असलेल्या समस्या दूर करण्यात आल्या असल्याचे कंपनीने सांगितले आहे. या फोनच्या डिस्प्लेमध्ये काही तांत्रिक समस्या निर्माण झाल्या होत्या. सॅमसंगच्या फोल्डेबल फोनमध्ये ७.३ इंचाचा इन्फिनिटी फ्लेक्स डिस्प्ले देण्यात आला आहे. या मोडमध्ये तुम्ही एकाचवेळी तीन अॅपचा वापर करता येणार आहे. सॅमसंगने याला थ्री-अॅप मल्टिटास्कींग असे नाव दिले आहे. हा फोन फोल्ड केल्यानंतर याचा डिस्प्ले ४.६ इंचाचा होतो. सॅमसंगचा गॅलेक्सी फोल्ड मोबाइल लाँच होणार होता. मात्र, काही तांत्रिक कारणास्तव या फोनचे लाँचिंग पुढे ढकलण्यात आले आहे.

from Latest Mobile Phones: Mobile News, Latest Mobile News in Marathi | Maharashtra Times http://bit.ly/2ZBYnfc